అతిలోక సుందరికి అదంటే చాలా ఇష్టం, అందుకే అంత్యక్రియల్లో కూడా!

శ్రీదేవికి అదంటే చాలా ఇష్టం

శ్రీదేవికి తెలుపు రంగు అంటే చాలా ఇష్టం. ఆమె ధరించే దుస్తువుల విషయంలో అయినా, మరే విషయంలో అయినా దానికే ఎక్కువ ప్రధాన్యత ఇస్తారట. దీంతో వైట్ థీమ్‌తో అంత్యక్రియల కార్యక్రమం నిర్వహించాలని కుటుంబ సభ్యులు నిర్ణయించారు.

ప్రతిదీ అదే రంగుంలో...

అంత్యక్రియల్లో వాడే ఫ్లవర్స్, ఇతర వస్తువులు తెలుపు రంగులోనే ఉండేట్లు జాగ్రత్తలు తీసుకుంటున్నారట. ఈ కార్యక్రమంలో పాల్గొనే వారికి కూడా తెలుపు రంగు దుస్తుల్లోనే హాజరుకావాలని సూచనలు చేసినట్లు సమాచారం.

ఆమె ఆత్మకు శాంతి చేకూరాలని

శ్రీదేవి అంత్య క్రియల్లో ఆమెకు ఇష్టమైన వస్తువులు, రంగులకు ప్రధాన్యం ఇస్తూ నిర్వహిస్తారని, ఆమె ఆత్మకు శాంతి చేకూరే విధంగా అంతిమ సంస్కారాలు నిర్వహించాలని భావిస్తున్నట్లు తెలుస్తోంది.

ప్రముఖులంతా ముంబైకి

శ్రీదేవి అంత్యక్రియల్లో పాల్గొనేందుకు దక్షిణాది పరిశ్రమలకు చెందిన సినీ ప్రముఖులతో పాటు షూటింగ్స్ నిమిత్తం ఇతర ప్రాంతాల్లో ఉన్న బాలీవుడ్ స్టార్స్ సైతం ముంబై చేరుకుంటున్నారు. ఆమె భౌతిక కాయానికి ఘనంగా వీడ్కోలు పలికేందుకు ఏర్పాట్లు జరుగుతున్నాయి.

మంగళవారం అంత్యక్రియలు?

సోమవారం రాత్రికి గానీ శ్రీదేవి భౌతిక కాయం ఇండియా వచ్చే అవకాశం లేక పోవడంతో మంగళవారం ఉదయం శ్రీదేవి అంత్యక్రియలు జరిగే అవకాశం ఉందని అంటున్నారు. మరికొన్ని గంటల్లో ఈ విషయమై ఓ క్లారిటీ వచ్చే అవకాశం ఉంది.