శ్రీదేవికి తేడా కొట్టిన ప్లాస్టిక్ సర్జరీ!.. దారుణంగా ముఖం.. వివరణ ఇచ్చిన అందాల తార

ప్లాస్టిక్ సర్జరీ తేడా..

ప్లాస్టిక్ సర్జరీ తేడా కొట్టిందంటూ తనపై మీడియాలో వస్తున్న వార్తలో వాస్తవం లేదు. నేను చాలా ఆనందంగా ప్రశాంతమైన జీవితం గడుపుతున్నాను. అదే నా ముఖంలో కనిపిస్తున్నది. గతంలో కంటే నేను ఎప్పడు చాలా అందంగా కనిపిస్తున్నాను. చాలా రోజులుగా నేను ఇది గమనించాను. అంతేకానీ ప్లాస్టిక్ సర్జరీ బెడిసికొట్టడం వల్ల కాదు అని శ్రీదేవి వెల్లడించింది.

సంతోషంగా జీవితం

గతంలో ఎన్నడూ లేని విధంగా ఇప్పుడు చాలా సంతోషకరమైన జీవితాన్ని గడుపుతున్నాను. ప్రశాంతంగా ఉన్న నా హృదయస్పందన నా ముఖంపై కనిపిస్తున్నది. ఇప్పుడు నా దైనందిక జీవితం గాడిలో పడింది. ఆరోగ్యంపై పూర్తిస్థాయిలో దృష్టిని పెట్టాను అని శ్రీదేవి చెప్పింది.

పవర్ యోగా, టెన్నీస్

వారంలో నాలుగు రోజులు పవర్ యోగా చేస్తాను. టెన్నీస్ ఆడుతాను. ఆహారంపై కంట్రోల్‌గా ఉన్నాను. స్వీట్లు, వేపుడు పదార్థాలను, జంక్ ఫుడ్‌ను పూర్తిగా దూరం పెట్టాను అని శ్రీదేవి పేర్కొన్నది.

సౌందర్య రహస్యం ఇదే

నా ఆరోగ్యం, సౌందర్యంపై తగిన జాగ్రత్తలు తీసుకోవడం వల్ల నేను గతంలో కంటే ఇప్పుడు ఎక్కువగా అందంగా కనిపిస్తున్నాను. దాంతోనే నా సౌందర్యంలో బాగా మార్పులు కనిపిస్తున్నాయి.

వాస్తవాలు తెలుసుకోండి

వాస్తవాలు తెలుసుకోకుండా సెలబ్రిటీల జీవితాల్లోకి మీడియా తొంగిచూడకూడదు. వారి వ్యక్తిగత విషయాలను తప్పుడుగా చిత్రీకరించకూడదు. ఒకరి వ్యక్తిగత జీవితంలోకి ప్రవేశించడం తప్పు. తెలియని విషయాలపై రాయకూడుదు. మీ ప్రవర్తన మార్చుకొవాల్సిన అవసరం ఉంది.

ప్లాస్టిక్ సర్జరీలతో

ప్లాస్టిక్ సర్జరీలతో అందాన్ని ఎన్నో రోజులు కాపాడుకోలేం. ప్రకృతి సిద్ధంగానే సౌందర్యాన్ని మెరుగుపరుచుకోవాలి. కృత్రిమంగా ప్రయత్నాలు చేస్తే ఆరోగ్యానికి హానికరం అని శ్రీదేవి అభిప్రాయపడ్డారు.

నేను జిమ్‌కు వెళ్లను

కొవ్వు పదార్థాలు తినడం ఆపితే జిమ్‌కు వెళ్లాల్సిన అవసరం ఉండదు. అందుకే నేను ఆయిల్ ఫుడ్ తీసుకోను. జిమ్ వెళ్లకుండా జాగ్రత్త పడుతాను. ఆహార నియమాలను బోనికపూర్ చక్కగా పాటిస్తాడు. అందుకే ఆయన నాకు ప్రపంచంలోనే అందగాడిగా కనిపిస్తాడు.

కెరీర్ ఆరంభంలో

ఇదిలా ఉండగా, కెరీర్ ఆరంభంలో ముక్కు, పెదవులకు శ్రీదేవి ప్లాస్టిక్ సర్జరీ చేయించుకొన్నారనే విషయం అందరికీ తెలిసిందే. ఆ తర్వాతనే ఆమె మరింత అందంగా కనిపించారని అప్పట్లో మీడియా కోడైకూసింది.