»   » శ్రీదేవి నెక్ట్స్ మూవీ ‘మామ్’ అఫీషియల్ ట్రైలర్

శ్రీదేవి నెక్ట్స్ మూవీ ‘మామ్’ అఫీషియల్ ట్రైలర్

Posted By:
Subscribe to Filmibeat Telugu

ముంబై: ప్రముఖ నటి శ్రీదేవి త్వరలో 'మామ్' సినిమా ద్వారా ప్రేక్షకుల ముందుకు రాబోతోంది. ఈ సినిమాకు సంబంధించిన అఫీషియల్ ట్రైలర్ తాజాగా రిలీజ్ చేసారు. రవి ఉడయార్ దర్శకత్వం వహిస్తున్న ఈ చిత్రం హిందీతో పాటు తెలుగు, తమిళంలో జులై 7న విడుదల కాబోతోంది.

ఒకప్పుడు ఇండియన్ సినీ పరిశ్రమను తన అందంతో షేక్ చేసిన శ్రీదేవి... నిర్మాత బోనీ కపూర్ ను పెళ్లాడిన తర్వాత సినిమాలకు గుడ్ బై చెప్పిన సంగతి తెలిసిందే. తన ఇద్దరు కూతుళ్ల పెంపకంపైనే దృష్టి పెట్టిన శ్రీదేవి... 2012లో గౌరీ షిండే దర్శకత్వంలో 'ఇంగ్లిష్ వింగ్లిష్' సినిమా ద్వారా సెకండ్ ఇన్నింగ్స్ ప్రారంభించారు.

ఐదేళ్ల గ్యాప్ తర్వాత మామ్

సెలెక్టెడ్‌గా సినిమాలు చేస్తున్న శ్రీదేవి ‘ఇంగ్లిష్ వింగ్లిష్' సినిమా తర్వాత దాదాపు ఐదేళ్ల గ్యాప్ తీసుకుని ‘మామ్' సినిమా చేసారు.

జాన్వీ సెలక్షన్

జాన్వీ సెలక్షన్

ఈ చిత్రానికి సంబంధించిన మరో విశేషం ఏమిటంటే 'మామ్‌' లో శ్రీదేవికి భర్తగా నటించే వ్యక్తిని జాన్వి కపూర్ సెలెక్ట్ చేసిందట. 2007లో విడుదలైన 'ఎ మైటీ హార్ట్‌' అనే హాలీవుడ్‌ చిత్రంలో ఏంజెలినా జోలీ సరసన నటించిన అద్నన్‌ సిద్ధిఖి అయితే శ్రీదేవికి కరెక్ట్‌ జోడీ అని గుర్తించిన కూతురు జాన్వి కపూర్‌ ఈ విషయాన్ని తండ్రి, ప్రొడ్యూసర్‌ అయిన బోనీకపూర్‌ దృష్టికి తీసుకెళ్ళడం, అతను ఓకే అనడం, అద్నన్‌ని టెస్ట్‌కి పిలిపించడం జరిగిపోయింది.

అద్నన్ సిద్దిఖి

అద్నన్ సిద్దిఖి

అద్నన్‌ సిద్ధిఖి లుక్‌ టెస్ట్‌ చేసిన తర్వాత జాన్వి సెలెక్షన్‌ కరెక్ట్‌ అని శ్రీదేవి సరసన నటించేందుకు అద్నన్‌ సిద్ధిఖీనే ఎంపిక చేశారు నిర్మాత బోనీకపూర్‌, దర్శకుడు రవి ఉద్యవార్‌. అప్పటి వరకు ఆ క్యారెక్టర్‌ ఎవర్ని సెలెక్ట్‌ చెయ్యాలా అని ఆలోచిస్తున్న యూనిట్‌కి జాన్వి పరిష్కారం చూపించింది. అలా శ్రీదేవికి జోడీని సెలెక్ట్‌ చేయడంలో జాన్వి కపూర్‌ వార్తల్లోకి ఎక్కింది.

నటీనటులు

నటీనటులు

శ్రీదేవి ప్రధాన పాత్రలో రూపొందుతున్న ఈ చిత్రంలో అక్షయ్‌ ఖన్నా, అభిమన్యు సింగ్‌, సజల్‌ ఆలీ, నవాజుద్దీన్ సిద్ధిఖీ ఇతర ముఖ్యపాత్రలు పోషించారు.

టెక్నికల్ టీం

టెక్నికల్ టీం

ఈ చిత్రానికి సంగీతం: ఎ.ఆర్‌.రెహమాన్‌, సినిమాటోగ్రఫీ: అనయ్‌ గోస్వామి, ఎడిటింగ్‌: మోనిసా బల్‌ద్వా, కథ: రవి ఉద్యవార్‌, గిరీష్‌ కోహ్లి, కోన వెంకట్‌, స్క్రీన్‌ప్లే: గిరీష్‌ కోహ్లి, నిర్మాతలు: బోనీ కపూర్‌, సునీల్‌ మన్‌చందా, నరేష్‌ అగర్వాల్‌, ముఖేష్‌ తల్‌రేజా, గౌతమ్‌ జైన్‌, దర్శకత్వం: రవి ఉద్యవార్‌.

English summary
Sridevi's next movie MOM Trailer released. Mom is an upcoming Indian thriller film directed by Ravi Udyawar and produced by Boney Kapoor, Sunil Manchanda, Mukesh Talreja, Naresh Agarwal and Gautam Jain. The film stars Sridevi, Akshaye Khanna, Abhimanyu Singh, Sajal Ali, Adnan Siddiqui and Nawazuddin Siddiqui. Music for the film is being scored by A. R. Rahman.
Please Wait while comments are loading...