ప్రిన్స్ తో శ్రీను వైట్ల?

By Staff

Published: Saturday, March 7, 2026, 22:15 [IST]

'రెడీ' సినిమాతో మరో హిట్ ని సంపాదించి పరిశ్రమలో హాట్ డైరక్టర్ గా మారాడు శ్రీను వైట్ల. అతని దర్శకత్వంలో మహేష్ బాబు చేయటానికి ఆసక్తి చూపుతున్నారని తెలుస్తోంది. ఆచి తూచి తన కెరీర్ ని జాగ్రత్తగా మలుచుకుంటున్న మహేష్ కి 'రెడీ' బాగా నచ్చిందిట. దాంతో మొన్న మహేష్ సోదరి మంజులతో శ్రీను వైట్ల సమావేశమయ్యారని,మంచి సబ్జెక్టు తెచ్చుకుంటే సినిమా చేద్దామని ఆమె హామీ ఇచ్చినట్లు పరిశ్రమ వర్గాలు చెప్పుకుంటున్నాయి. ప్రస్తుతం మహేష్ 'వరుడు'గా త్రివిక్రమ్ శ్రీనివాస్ దర్శకత్వంలో నటించేందుకు సిద్ధమవుతున్న సంగతి తెలిసిందే. దాని తర్వాత అతను పూరీ జగన్నాథ్ డైరెక్షన్‌లో నటించనున్నాడు. ఆ సినిమాను వార్నర్ బ్రదర్స్ స్టూడియోస్‌తో కలిసి రజనీకాంత్ కుమార్తె సౌందర్య నిర్మించనున్నది. అది 2009 జనవరిలో సెట్స్ మీదకు వెళ్లనున్నది.

అన్నీ అనుకూలిస్తే అదే యేడాది మధ్యలో మహేష్,శ్రీను వైట్ల కాంబినేషన్ సినిమా ప్రారంభమవుతుంది. 'మిర్చి' చేయకుండా జాస్తి హేమాంబర్‌కి హ్యాండిచ్చిన మహేష్ 'రెడీ' చూశాక శ్రీను డైరెక్షన్‌లో నటించేందుకు గ్రీన్ సిగ్నల్ ఇచ్చాడుట . ఈలోగా శ్రీను సైతం రెండు సినిమాల్ని పూర్తి చేయనున్నాడు. ఇప్పటికే అతను నాగార్జునను 'కింగ్'గా రెడీ చేస్తున్నాడు. దాని తర్వాత సురేష్ ప్రొడక్షన్స్ నిర్మించే సినిమాలో వెంకటేష్‌ను అతను డైరెక్ట్ చేయనున్నాడు. అది 2009 మధ్యలో విడుదలవుతుంది. అంటే మహేష్, శ్రీను కాంబినేషన్‌ కనఫర్మైనట్లే. మరో మంచి కామిడీకీ రంగం సిద్దమవుతున్నట్లే....

More from Filmibeat