Don't Miss!
- Automobiles మరింత తక్కువ ధరలో బజాజ్ చేతక్ ఇ స్కూటర్.. త్వరలో లాంచ్.!!
- Technology Dell నుంచి నాలుగు కొత్త Ai ల్యాప్టాప్లు! ధర,స్పెసిఫికేషన్లు
- News భారీ వర్షం - వాతావరణ శాఖ బిగ్ అలర్ట్..!!
- Sports రోహిత్పై గౌరవం..అంతకుమించి ఏం లేదు: పుకార్లపై ప్రీతి జింటా ఫైర్
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
అది 'బాద్షా'తో కుదిరింది: శ్రీను వైట్ల
హైదరాబాద్ : ప్రతిభగల హీరో ఎన్టీఆర్. తనతో సినిమా చెయ్యాలనే కోరిక ఇప్పటిది కాదు. ఉషాకిరణ్ మూవీస్లో నేను ఆనందం చిత్రం చేశాను. ఆ సమయంలోనే తను కథానాయకుడిగా ఆ సంస్థ ద్వారా పరిచయం అయ్యారు. అప్పట్నించే ఎన్టీఆర్తో పరిచయం ఉంది. అన్నా అన్నా... అంటూ ఎంతో ఆప్యాయంగా పలకరిస్తుంటారు. తనతో ఓ సినిమా తీయాలని అప్పట్లోనే నిర్ణయించుకొన్నా. అది 'బాద్షా'తో కుదిరింది. ఎన్టీఆర్ మంచి మనిషి. వ్యక్తిగతంగా తనలో భావోద్వేగాలు కూడా ఎక్కువే. ఆయనతో మళ్లీ మళ్లీ పని చేయాలనిపిస్తోంది అన్నారు శ్రీను వైట్ల.
గతేడాది 'దూకుడు'తో ఘన విజయాన్ని అందుకొన్న శ్రీను వైట్ల ప్రస్తుతం ఎన్టీఆర్ని 'బాద్షా'గా చూపించే పనిలో ఉన్నారు. సోమవారం ఆయన పుట్టిన రోజు. ఈ సందర్భంగా ఆయన మీడియాతో మాట్లాడుతూ ఇలా స్పందించారు. అలాగే 'బాద్షా' ఎలా ఉండబోతున్నాడు అనే విషయం గురించి చెపుతూ... 'బాద్షా' అందరికీ నచ్చేలా ఉంటాడు. నా గత చిత్రాల్లాగే అన్ని వర్గాల ప్రేక్షకుల్నీ మెప్పించే కథ ఇది. అయితే ఈసారి మాస్ అంశాలకు కొంచెం ఎక్కువ ప్రాధాన్యమిచ్చాం. యాక్షన్ అంశాలు కూడా అధికస్థాయిలోనే ఉండబోతున్నాయి అన్నారు.
'బాద్షా 'ఎన్టీఆర్ గెటప్స్, హావభావాల గురించి వినిపిస్తున్న రకరకాల వూహాగానాలు గురించి చెపుతూ... ప్రేక్షకుల్ని ఆశ్చర్యపరిచే విషయాలు 'బాద్షా'లో చాలానే ఉన్నాయి. వేషధారణ, నటన, హావభావాలు... ఇలా అన్ని అంశాల్లోనూ ఎన్టీఆర్ కొత్తగా కనిపిస్తాడు. ఆయనలో ఉన్న ప్రతిభను మొత్తం వాడుకొనే ప్రయత్నం చేశాను. ఎన్టీఆర్ని దృష్టిలో పెట్టుకొనే ఈ కథ రాసుకున్నాం అని చెప్పుకొచ్చారు.
'బాద్షా ' లేటు గా మొదలవటానికి కారణం చెపుతూ.... స్క్రిప్ట్ విషయంలో పక్కాగా ఉంటాను. దానికి ఎక్కువ సమయం తీసుకొంటాను. మన కథ అందరినీ మెప్పించేలా ఉండాలనుకొన్నప్పుడు ఆ మాత్రం సమయం తీసుకోవడంలో తప్పు లేదనేది నా అభిప్రాయం. 'బాద్షా' కథను మరింత పకడ్బందీగా తయారు చేసుకొనేందుకు సమయం పట్టింది. బండ్ల గణేష్ కూడా చిత్ర నిర్మాణం విషయంలో ఎక్కడా రాజీపడటం లేదు అని వివరించారు.