Don't Miss!
- Sports వేరీజ్ `మ్యాడ్` మ్యాక్సీ: ఆర్సీబీలో గందరగోళం
- News వైసీపీ అభ్యర్థికి జగన్ బంపర్ ఆఫర్.. పులివెందుల నుంచి పోటీ చేయలంటూ సూచన
- Finance Bank Holidays: ఏప్రిల్ లో 14 రోజులు బ్యాంకులకు సెలవులు..
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
అదే ఎన్టీఆర్ స్పెషాలిటీ: శ్రీను వైట్ల
హైదరాబాద్ : ''ఎన్టీఆర్తో నాకిది తొలి చిత్రం. వయసులో నాకంటే చిన్నవాడైనా ఆయనో స్టార్ హీరో . కానీ ఎప్పుడూ ఆ హోదాని చూపించలేదు. దర్శకుడికి ఎంతో గౌరవం ఇస్తారు. అన్నా అంటూ ఎంతో ఆప్యాయంగా పలకరిస్తారు. సింగిల్ షాట్లో డైలాగ్ చెప్పడం, స్టెప్ ఒక్కసారి చూస్తే చాలు రిహార్సల్ లేకుండా వేయడంలో ఆయనకు ఆయనే సాటి. జ్ఞాపకశక్తి ఆయనకో వరం. ఈ సినిమా టైటిల్ బాద్షా అని చెప్పగానే ఎన్టీఆర్ ఆ టైటిలే కావాలంటూ ప్రత్యేకంగా కోరారు.'' అని శ్రీను వైట్ల వివరించారు.
శ్రీను వైట్ల తాజాగా ఎన్టీఆర్ని 'బాద్షా'గా చూపించారు. ఇటీవలే ఈ చిత్రం విడుదలైంది. శనివారం శ్రీను వైట్ల హైదరాబాద్లో మీడియాతో ముచ్చటిస్తూ ఇలా స్పందించారు. అలాగే ... ఎన్టీఆర్ జ్ఞాపకశక్తి అమోఘం...ఎంత పెద్ద డైలాగ్ అయినా ఇట్టే చెప్పేస్తాడు. క్లిష్టమైన డాన్సులు సైతం సింగిల్ టేక్లో చేసేస్తా డు. స్టార్డమ్ వచ్చేసినా చాలా సింపుల్గా ఉంటాడు. నన్ను అన్నా అని ఆప్యాయంగా పిలుస్తాడు. నా నిర్మాత గణేష్ ప్యాషన్ ఉన్న వ్యక్తి గనుకే ఇంత భారీ చిత్రాల్ని అలవోకగా తీయగలిగాడు. బ్లాక్బస్టర్ కోసం తపించి చేశాడీ చిత్రం అన్నారు.
ఇక ''మహేష్బాబు ఈ చిత్రానికి నేపథ్య గళం అందించడం ఆనందంగా ఉంది. ఓ కథానాయకుడి చిత్రానికి మరో కథానాయకుడు వాయిస్ ఓవర్ చెబితే బాగుంటుందని భావించి అడిగితే వెంటనే ఆయన అంగీకరించారు. బాద్షాపై అభిమానుల్లో ఉన్న అంచనాలను అందుకోవాలనే ఎక్కువ ప్రత్యేకతలతో ఈ సినిమాని తీర్చిదిద్దాం. సిద్దార్థ్ ప్రత్యేక పాత్ర పోషించినా, నవదీప్ ప్రతినాయక ఛాయలున్న పాత్రలో కనిపించినా, శింబు పాట పాడినా ఇవన్నీ బాద్షాని ప్రత్యేకంగా ప్రేక్షకులకు అందించాలనే తపనతో చేసినవే.'' అన్నారు.