తీవ్రమవుతున్న బాబు గోగినేని కేసు.. బిగ్ బాస్ నుంచి అవుటేనా, శ్రీరెడ్డి కామెంట్స్!

హిందూ గ్రంధాలపై వ్యతిరేకంగా

ఇటీవల బాబు గోగినేని హిందువుల మనోభావాలు కించపరిచేలా వ్యాఖ్యలు చేసారని, గోప్యంగా ఉంచాల్సిన ఆధార్ నంబర్స్ ని అక్రమంగా తరలించారనే ఆరోపణలతో వీర నారాయణ అనే వ్యక్తి మాదాపూర్ పోలీస్ స్టేషన్ లో కేసు నమోదు చేసారు.

బెంగుళూరులో

బెంగుళూరులో జరిగిన ఓ సమావేశంలో హిందూ గ్రంధాలని అవమానించేలా మాట్లాడారని, నిబంధలని అతిక్రమించి ఆధార్ నెంబర్ సేకరించారని వీరనారాయణ కేసు నమోదు చేసారు. కోర్టు నుంచి తీసుకొచ్చిన పత్రం ఆధారంగా బాబు గోగినేనిపై పోలీసులు కేసు నమోదు చేసారు. ఈ కేసులో మరిన్ని ఆధారాలు సేకరించి అతడిపై చర్యలు తీసుకుంటామని పోలీసులు చెబుతున్నారు.

బిగ్ బాస్ నుంచి బయటకు

కేసు తీవ్రంగా మారి పోలీసులు చర్యలు తీసుకునే నేపథ్యంలో బాబు గోగినేని బిగ్ బాస్ హౌస్ నుంచి బయటకు రాక తప్పదనే ఊహాగానాలు వినిపిస్తున్నాయి.

ఎప్పుడు బయటకు వస్తున్నారు

బాబు గోగినేని బిగ్ బాస్ నుంచి ఎప్పుడు బయటకు వస్తున్నారు.. మీ కోసం పోలీస్ లు ఎదురుచూస్తున్నారు అంటూ శ్రీరెడ్డి వ్యంగ్యంగా సోషల్ మీడియాలో కామెంట్స్ పెట్టింది.