ఒక పెద్ద డైరెక్టర్ పేరు బయటపెట్టబోతున్నా.. లిస్ట్‌లో ఇంకా చాలామంది.. శ్రీరెడ్డి!

అది నిజమే

నేను చాలా మందితో పడుకున్నా. అది నిజమే. నటీమణులని ప్రలోభపెట్టి వేధించిన వారిలో చాలా మంది ప్రముఖులు ఉన్నారు. త్వరలోనే వారి పేర్లు బయటకు వస్తాయంటూ శ్రీరెడ్డి తమిళ ఇంటర్వ్యూలో సంచలన ప్రకటన చేసింది.

లారెన్స్ గురించి ముందే చెప్పా

లారెన్స్ ని ఒకసారి కలిశా. ఆ సమయంలో తన ప్రయివేట్ భాగాలని లారెన్స్ తాకాడని శ్రీరెడ్డి ఆరోపించింది. ఇలాంటి ఘటన ల గురించి చిన్మయి ప్రస్తావిస్తుండడంతో అంతా వింటున్నారు. ఆమె పెద్ద సెలెబ్రిటీ కాబట్టే ఆమె చెబుతున్న వాటికి విలువ ఇస్తున్నారని శ్రీరెడ్డి తెలిపింది.

పెద్ద డైరెక్టర్

లైంగిక వేధింపుల వ్యవహారంలో తాను పెద్ద దర్శకుడు పేరు బయట పెట్టబోతున్నట్లు శ్రీరెడ్డి తెలిపింది. ఆ ఇంటర్వ్యూకి సంబంధించిన ప్రోమో మాత్రమే విడుదల చేశారు. పూర్తి ఇంటర్వ్యూ వస్తే ఆ డైరెక్టర్ ఎవరో తేలనుంది.

పబ్లిసిటీ కోసం కాదు

నేను చేస్తున్న ఈ పోరాటం పబ్లిసిటీ కోసం కాదు, నేను గొప్ప కావాలని కాదు. ఈ జాబితాలో ఇంకా చాలా మంది ఉన్నారు. వారందరి పేర్లు బయట పెట్టాలి. దయచేసి మహిళలంతా మీటూ ఉద్యమంలో పాల్గొనండి అంటూ శ్రీరెడ్డి కోరింది.