Don't Miss!
- Automobiles గిఫ్ట్ అంటే అబ్బాయిలే ఇవ్వాలా.??.. పెళ్లిలో వరుడికి వధువు అదిరిపోయే బైక్ గిఫ్ట్.. వైరల్ వీడియో చూసేయండి
- News సీటు త్యాగం చేసిన ఆ ఎమ్మెల్యేకు జగన్ రాజ్యసభ హామీ-బహిరంగ ప్రకటన..!
- Sports RCB vs KKR: సారీ.. మా ఆటగాళ్ల పేర్లు మరిచిపోయా: శ్రేయస్ అయ్యర్ వీడియో
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
మహాభారతంపై అమీర్తో చర్చించిన రాజమౌళి.. దానిని తీయడం భారతీయులకు కష్టం
బాహుబలి చిత్రంతో అంతర్జాతీయ ఖ్యాతిని సొంతం చేసుకొన్న రాజమౌళి తదుపరి చిత్రంగా మహాభారతాన్ని తెరకెక్కించనున్నారనే వార్తలు అప్పట్లో విస్తృతంగా ప్రచారమయ్యాయి. అయితే బాహుబలి తర్వాత వెంటనే మహాభారతాన్ని తెరకెక్కించను అని రాజమౌళి వివరణ ఇచ్చిన సంగతి తెలిసిందే. కానీ మహాభారతంపై రాజమౌళి సినిమా తీస్తే తాను నటించడానికి సిద్ధమని, ఆ చిత్రంలో కృష్ణుడి పాత్రను పోషించాలని ఉందని ఇటీవల అమీర్ఖాన్ వెల్లడించిన సంగతి తెలిసిందే. ఈ విషయంపై మిస్టర్ ఫర్ఫెక్ట్ అమీర్ ఖాన్ను కలిసి చర్చించానని రాజమౌళి ఇటీవల వెల్లడించారు.
అమీర్కు సాధ్యం కాదు..
అవును. ఇటీవల అమీర్ఖాన్ కలిశాను. మహాభారత్ గురించి చర్చించాను. మహాభారతంలో నటించడానికి అమీర్ చాలా ఉత్సాహంగా ఉన్నాడు. అయితే బాహుబలి తర్వాత వెంటనే ఆ సినిమా చేసే ఉద్దేశం లేదు. మహాభారతం లాంటి కథను సినిమాగా తీయాలంటే మానసికంగా సిద్ధం కావాలి. కానీ పురాణాన్ని మాత్రం చిత్రంగా మలచడం గ్యారెంటీ అని రాజమౌళి అన్నాడు. గతంలో మహాభారతాన్ని సినిమా మలిచే ఉద్దేశంతో అమీర్, బిగ్ బీ అమితాబ్ను కలిసినట్టు వార్తలు వచ్చిన విషయం తెలిసిందే.
నేను కూడా తీస్తా.. షారుక్
ఇదిలా ఉండగా, మహాభారతంపై ఇటీవల మరో ఆసక్తికరమైన వార్త వెలుగులొకి వచ్చింది. బాలీవుడ్ బాద్షా కూడా మహాభారతంపై మనసు పారేసుకొన్నాడట. మహాభారతాన్ని వెండితెరకు ఎక్కించాలన్నది నా చిరకాల స్వప్నం. అయితే నా వద్ద అంత బడ్జెట్ లేదు. ఎట్లాగైనా ఆ ప్రాజెక్ట్ చేయాలని ఉంది. అంత స్థోమత నాకు లేదు అని షారుక్ అన్నారు.
ఫారిన్ ప్రొడ్యూసర్తో..
ఒకవేళ మహాభారతాన్ని తెరకెక్కించాలనుకుంటే విదేశీ సంస్థతో కలిసి నిర్మిస్తాను. దేశీయ నిర్మాతలతో ప్రాజెక్ట్ చేపట్టను. ఇండియన్ మార్కెట్కు, ఇండియన్ సినిమాలకు, నిర్మాతలకు పరిమితి ఉంటుంది. అందుకే ఈ చిత్రానికి విదేశీ నిర్మాతలు ఉండాల్సిందే. అందువల్ల విదేశీ మార్కెట్ ఎక్కువగా ఉంటుంది. బాహుబలిని మించిన విధంగా మహాభారతాన్ని తెరకెక్కించాలి అని షారుక్ పేర్కొన్నాడు.
28న బాహుబలి విడుదల
ప్రస్తుతం బాహుబలి ది కన్క్లూజన్ చిత్ర ప్రమోషన్పైనే రాజమౌళి దృష్టిపెట్టాడు. ఈ చిత్రం ఏప్రిల్ 28న విడుదలకు సిద్ధమవుతున్నది. దీంతో గత రెండేళ్లుగా ప్రేక్షకులను వెంటాడుతున్న బాహుబలిని కట్టప్ప ఎందుకు చంపాడు అనే ప్రశ్నకు సమాధానం దొరుకనున్నది.