Don't Miss!
- News కాంగ్రెస్ ఖమ్మం సీటు పంచాయితీలో అనూహ్య మలుపు..!!
- Technology జియో సినిమా యాప్లో IPL మ్యాచ్లను ఉచితంగా చూస్తున్నారా.. రేపు కీలక ప్రకటన??
- Sports ఆ రూల్ వల్లే గెలిచాం- KL రాహుల్
- Automobiles క్రాష్ టెస్ట్లో హోండా అమేజ్కు గట్టి షాక్.. ఆ విభాగంలో ‘0' రేటింగ్.!!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
రాజమౌళికి ఆ హీరో ఝలక్... అందుకే జక్కన్న రాజీ పడ్డారా?
Recommended Video
గతంలో ఎన్నడూలేని విధంగా తాను తెరకెక్కించే సినిమా వివరాలను ప్రెస్ మీట్ పెట్టి దర్శకుడు ఎస్ఎస్ రాజమౌళి తెరకెక్కించిన దాఖలాలు లేవు. తాజాగా RRR మూవీ గురించి మీడియా సమావేశంలో వెల్లడించడంతో ఆ సినిమాపై అంచనాలు భారీగా పెరిగిపోయాయి. అంతేకాకుండా ఆలియాభట్, అజయ్ దేవగన్, డైసీ ఎడ్గర్ జోన్స్ బాలీవుడ్ తారలు నటిస్తున్నారనే విషయం చెప్పడం మరింత హైప్ పెరిగింది. అయితే అజయ్ దేవగన్ను ఓ కీలకపాత్ర కోసం ఒప్పించడం రాజమౌళి పెద్ద కసరత్తే చేశారట. అదేమిటంటే..
అజయ్ దేవగన్ షాకింగ్ కామెంట్స్
ఎస్ఎస్ రాజమౌళి ప్రెస్ మీట్ కంటే కొన్ని రోజుల ముందు బాలీవుడ్ నటుడు అజయ్ దేవగన్ RRR సినిమాలో నటించడం లేదని స్పష్టం చేశారు. ఆ సినిమాలో నటిస్తున్నట్టు వస్తున్న వార్తల్లో వాస్తవం లేదు అని చెప్పారు. అయితే ఆ తర్వాత కొద్ది రోజులకే అజయ్ దేవగన్ RRR చిత్రంలో నటించేందుకు గ్రీన్ సిగ్నల్ ఇవ్వడం సినీ వర్గాలకు షాకిచ్చింది.
పట్టు విడువని జక్కన్న
సినిమాకు సంబంధించిన వర్గాలు వెల్లడించిన ప్రకారం.. ఉత్తరాది భారతంలో స్వాతంత్ర్య సమరయోధుడి పాత్రను అజయ్ దేవగన్కు రాజమౌళి ఆఫర్ చేశారట. అయితే ఆ పాత్ర నిడివి తక్కువగా ఉండటం, అంతేకాకుండా ఆ పాత్ర స్వరూపం చూసి కొంత వెనుకడుగు వేశాడట. కానీ రాజమౌళి పట్టు విడువలేదట.
నిడివి, పారితోషికం పెంపు
ఎలాగైనా అజయ్ దేవగన్తో ఆ పాత్రను వేసే ఉద్దేశంతో నిడివిని కూడా పెంచారట. అజయ్ అడిగిన రెమ్యునరేషన్ను కూడా ఇవ్వడానికి జక్కన ముందుకొచ్చారట. దాంతో అజయ్ దేవగన్ ఒకే అని నటించడానికి ముందుకొచ్చాడట. ఇదంతా రాజమౌళి ప్రెస్ మీట్కు కొన్ని రోజుల ముందు జరిగిన డెవలప్మెంట్స్ అని సినీ వర్గాలు వెల్లడిస్తున్నాయి.
విలన్ పాత్ర కాదని
రాజమౌళి నిర్వహించిన ప్రెస్ మీట్లో అజయ్ దేవగన్ది విలన్ పాత్ర కాదని స్పష్టమైంది. రిపోర్టర్ అడిగిన ప్రశ్నకు విలన్ పాత్ర అని మీరు ఎలా అనుకొంటారు? అని రాజమౌళి ప్రశ్నించారు. అయితే తాను ఆ పాత్రను రివీల్ చేయను అని జక్కన్న ట్విస్ట్ ఇచ్చారు.
పలు భాషల్లో RRR మూవీ
జూనియర్ ఎన్టీఆర్, రాంచరణ్ కలిసి నటిస్తున్న మల్టీస్టారర్ చిత్రానికి నిర్మాతగా డీవీవీ దానయ్య వ్యవహరిస్తున్నారు. డీవీవీ ఎంటర్టైనర్పై రూపొందించే ఈ చిత్రం 2020 జూలై 30న విడుదల కానున్నది. దేశంలోని అన్ని భాషల్లో ఈ సినిమా రిలీజ్ అయ్యే అవకాశాలు కనిపిస్తున్నాయి.