Don't Miss!
- News కేసీఆర్కు మరో షాక్: బీఆర్ఎస్కు కడియం శ్రీహరి, కావ్య గుడ్బై, వరంగల్ కాంగ్రెస్ ఎంపీగా బరిలో
- Sports RR vs DC: రఫ్ఫాడించిన ఆవేశ్ ఖాన్.. ఓడిపోయే మ్యాచ్లో గెలిచిన రాజస్థాన్ రాయల్స్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
రాజమౌళి - తారక్ ఖాతాలోకి అరుదైన ఘనత.. పన్నెండేళ్ల తర్వాత అక్కడ రిలీజ్.!
తెలుగు సినీ ఇండస్ట్రీలో టాప్ డైరెక్టర్గా కొనసాగుతున్నారు దర్శకధీరుడు రాజమౌళి. బాహుబలి అనే సినిమాతో తెలుగు సినిమా ఖ్యాతిని విశ్వవ్యాప్తం చేశాడాయన. ఈ ఒక్క సినిమాతో దేశ వ్యాప్తంగా రాజమౌళి పేరు చర్చనీయాంశం అయిపోయింది. ఈ సినిమానే కాదు.. అంతకు ముందు ఆయన చేసిన ప్రతి సినిమా హిట్ టాక్ను సొంతం చేసుకున్నదే. అందుకే ఆయనతో సినిమా చేయాలని ప్రతి హీరో అనుకుంటాడు. కానీ, రాజమౌళికి మాత్రం జూనియర్ ఎన్టీఆర్ అంటేనే ఇష్టం. ఈ విషయాన్ని ఆయన ఎన్నో సందర్భాల్లో వెల్లడించారు కూడా. సినిమాల పరంగానే కాదు.. బయట కూడా వీళ్లిద్దరూ ఎంతో స్నేహంగా ఉంటారు. అందుకే ఆ బాండింగ్ ఉంది. వీళ్ల కాంబినేషన్లో విడుదలైన 'యమదొంగ' తాజాగా ఓ అరుదైన ఘనతను సొంతం చేసుకుంది. వివరాల్లోకి వెళ్తే..
సూపర్ హిట్ కాంబినేషన్
దర్శకధీరుడు రాజమౌళి.. రాఘవేంద్ర రావు శిష్యుడిగా ‘స్టూడెంట్ నెం.1' చిత్రం ద్వారా సినీరంగ ప్రవేశం చేశాడు. ఆ తర్వాత ఎన్టీఆర్తోనే ‘సింహాద్రి' అనే సినిమాను చేశాడు. ఇక, వీళ్ల కాంబినేషన్లో ‘యమదొంగ'తో హ్యాట్రిక్ హిట్స్ నమోదయ్యాయి. ఈ మూడు చిత్రాలూ తారక్ను స్టార్ హీరోగా మార్చాయి. కలెక్షన్ల పరంగానూ ఈ సినిమాలన్నీ భారీ విజయాలను సొంతం చేసుకున్నాయి.
కీలక సమయంలో హిట్లు ఇచ్చాడు
హీరోగా ఎన్టీఆర్ మొదటి ప్రయత్నమే ఫెయిల్ అయింది. ఆ సమయంలో రాజమౌళి ‘స్టూడెంట్ నెం.1' రూపంలో ఫస్ట్ హిట్ ఇచ్చాడు. ఆ తర్వాత వరుస పరాజయాలు వస్తున్న సమయంలో ‘సింహాద్రి'తో ఎన్టీఆర్ను ఒడ్డున పడేశాడు. దీని తర్వాత కూడా చాలా కాలం ప్లాప్ సినిమాలు వచ్చాయి. అప్పుడు ‘యమదొంగ'తో మరో హిట్ ఇచ్చి తారక్ను నిలబెట్టాడు జక్కన్న.
‘యమదొంగ' ప్రత్యేకమైనది
రాజమౌళి దర్శకత్వంలో జూనియర్ ఎన్టీఆర్, ప్రియమణి, మమతా మోహన్ దాస్ నటించిన చిత్రం ‘యమదొంగ'. కలెక్షన్ కింగ్ మోహన్ బాబు కీలక పాత్ర పోషించిన ఈ సినిమాకు కీరవాణి సంగీతం అందించారు. 2007లో విడుదలైన ఈ సినిమా భారీ విజయాన్ని అందుకుంది. అంతేకాదు, అప్పటి వరకు లావుగా కనిపించిన తారక్.. ఇందులో స్లిమ్గా కనిపించాడు. దీని తర్వాత తారక్ వెనుదిరిగి చూడలేదు. వరుస విజయాలతో దూసుకుపోతున్నాడు.
Recommended Video
12 ఏళ్ల తర్వాత వస్తోంది
విడుదలైన 12 సంవత్సరాల తర్వాత ‘యమదొంగ' అరుదైన ఘనతను సొంతం చేసుకుంది. తెలుగులో ఘన విజయం సాధించిన ఈ సినిమా తమిళంలోకి డబ్బింగ్ అవుతోంది. సుదీక్షా ఎంటర్టైన్మెంట్ బ్యానర్ ఈ సినిమాను తమిళంలో విడుదల చేస్తోంది. ఏఆర్కే రామరాజా ఈ సినిమాకు మాటలు, పాటలు రాస్తున్నారు. త్వరలోనే ఇది ప్రేక్షకుల ముందుకు రానుంది. దీంతో ఎన్టీఆర్ ఫ్యాన్స్ ఖుషీ అయిపోతున్నారు.