బ్రహ్మస్త్రాన్ని వదిలిన రాజమౌళి.. బాహుబలికి కృతజ్ఞతగా..

ఉనికి గర్వం

బ్రహ్మస్తం మోషన్ టైటిల్‌ లోగో ఆదిలోనే ఆసక్తిని రేపింది. అందులో డైలాగ్స్‌ ఆకట్టుకొనేలా ఉన్నాయి. ‘మన ఉనికి గర్వం. చరిత్రకు అది శిఖరం. బ్రహ్మండంలో ఉన్న శక్తి అంతటికి స్థావరం. అదే బ్రహ్మస్త్రం' అంటూ వచ్చే డైలాగ్స్‌ మోషన్ టైటిల్‌లో వినిపించాయి. ఈ లోగోను రాజమౌళి రిలీజ్ చేసి ట్వీట్ చేశారు.

హ్యాపీగా ఉందని రాజమౌళి ట్వీట్

దేశంలోనే తొలి మైథికల్ ఫ్యుజన్ డ్రామా ట్రయాలజీ ‘బ్రహ్మస్త' సినిమా మోషన్ లోగోను విడుదల చేయడం చాలా సంతోషంగా ఉంది. అద్భుతమైన నటీనటులు, సాంకేతిక నిపుణులతో సినిమా రూపొందుతున్నది. దర్శకుడు ఆయన్, నిర్మాత కరణ్‌కు విజయం చేకూరాలి అని రాజమౌళి తన ట్వీట్‌లో పేర్కొన్నారు.

రూ.150 కోట్ల బడ్జెట్‌తో

యే జవానీ హై దీవాని చిత్ర దర్శకుడు ఆయన్ ముఖర్జీ రూపొందిస్తున్న ఈ చిత్రం బడ్జెట్ రూ.150 కోట్లు. ఈ చిత్రానికి సంబంధించిన ఫస్ట్ లుక్ ఇటీవల రిలీజై వైరల్‌గా మారింది. రణ్‌బీర్ కపూర్‌తో కూడిన ఫస్ట్‌లుక్‌కు మంచి రెస్పాన్స్ వచ్చింది.

రాజమౌళి క్రేజ్‌ను దృష్టిలో పెట్టుకొని

ఇటీవల కాలంలో కరణ్ జోహర్, రాజమౌళికి మధ్య సన్నిహిత సంబంధాలు మెరుగ్గా ఉన్నాయి. గతంలో బాహుబలి సినిమాలను హిందీలో ధర్మ ప్రొడక్షన్ బ్యానర్‌పై కరణ్ జోహర్ విడుదల చేసిన సంగతి తెలిసిందే. ఇటీవల రాజమౌళి, ప్రభాస్, రానాను తన కాఫీ విత్ కరణ్ షోకు ఆహ్వానించిన సంగతి తెలిసిందే. రాజమౌళికి ఉన్న క్రేజ్‌ను దృష్టిలో పెట్టుకొని టైటిల్ లోగోను ఆయన చేత రిలీజ్ చేయించినట్టు తెలిసింది.