తొలి సూర్య కిరణం తాకే చోట బాహుబలి2.. మరో చరిత్రకు సిద్ధం..

Recommended Video

బాబుకు రాజమౌళి థ్యాంక్స్ : టవర్‌ ఆకృతి కి ఎక్కువ వోట్లు !

బాహుబలి ప్రభంజనం

ప్రభాస్, రానా దగ్గుబాటి నటించిన బాహుబలి చిత్రాలు తెలగు, తమిళ, హిందీ, మలయాళ భాషల్లోకి అనువాదం చేశారు. ప్రపంచవ్యాప్తంగా బాహుబలికి క్రేజ్ లభించినందున ఈ చిత్రాన్ని జపాన్ భాషలో అనువాదం చేసి రిలీజ్ చేయాలని నిర్మాతలు నిర్ణయం తీసుకొన్నారు.

1700 కోట్లు కొల్లగొట్టిన రాజమౌళి

బాహుబలి2 చిత్రం తొలిసారి 1000 కోట్ల క్లబ్‌లోకి చేరింది. ప్రపంచవ్యాప్తంగా రూ.1700 కోట్లు వసూలు చేసింది. కేవలం తమిళనాడులో గతంలో ఏ తెలుగు చిత్రం వసూలు చేయని విధంగా 150 కోట్ల రూపాయలను వసూలు చేయడం గమనార్హం. కేవలం 16 రోజుల్లోనే తమిళ బాహుబలి 100 కోట్ల క్లబ్‌లోకి చేరడం అక్కడ ఓ రికార్డు.

జపాన్‌లో మరో చరిత్రకు సిద్దం

ఇక మలయాళంలో రూపొందిన బాహుబలి2 చిత్రం కేరళవ్యాప్తంగా రూ.70 కోట్లు వసూలు చేసింది. పలు చోట్ల బాలీవుడ్ చిత్రాలు సుల్తాన్, దంగల్ సినిమాల రికార్డులను తిరగరాసింది. ఇలా ప్రపంచవ్యాప్తంగా రికార్డు సృష్టించిన బాహుబలి జపాన్‌లో కలెక్షన్ల సునామీ సృష్టించేందుకు సిద్ధంగా ఉంది.

బాహుబలికి జీ సర్టిఫికెట్

జపాన్ భాషలోకి అనువాదం చేసిన బాహుబలి ది కన్‌క్లూజన్ చిత్రానికి జీ సర్టిఫికెట్ లభించింది. అక్కడ జీ సర్టిఫికెట్ భారత్‌లో యూ సర్టిఫికెట్‌కు సమానం. రజనీకాంత్ చిత్రాలకు ధీటుగా బాహుబలి2 కలెక్షన్లు సాధిస్తుందా అనేది త్వరలోనే తెలియడం ఖాయం.