బాహుబలి-2 రష్యన్ ట్రైలర్ అదుర్స్..

తగ్గని బాహుబలి2 క్రేజ్

బాహుబలి2 సినిమా రిలీజై ఏడు నెలలు గడిచినా గానీ ఇంకా ఆ మధురస్మృతులు మది నుంచి తొలగిపోవడం లేదు. బాహుబలి చిత్రం కేవలం తెలుగు వాళ్లనే కాదు.. దేశంలోని సినీ ప్రేక్షకులందరినీ మొత్తాన్ని ఉర్రూతలూగించింది.

ప్రపంచవ్యాప్తంగా భారీ కలెక్షన్లు

భారతీయ సినిమా చరిత్రలో కనీవినీ ఎరుగని విధంగా బాహుబలి2 చిత్రం తొలిసారి 1000 కోట్ల క్లబ్‌లోకి చేరింది. ప్రపంచవ్యాప్తంగా రూ.1700 కోట్లు వసూలు చేసింది. కేవలం తమిళనాడులో గతంలో ఏ తెలుగు చిత్రం వసూలు చేయని విధంగా 150 కోట్ల రూపాయలను వసూలు చేయడం గమనార్హం. కేవలం 16 రోజుల్లోనే తమిళ బాహుబలి 100 కోట్ల క్లబ్‌లోకి చేరడం అక్కడ ఓ రికార్డు.

జపాన్‌లో రిలీజ్‌కు అంతా సిద్ధం

బాహుబలి2 సినిమా బాలీవుడ్ చిత్రాలు సుల్తాన్, దంగల్ సినిమాల రికార్డులను తిరగరాసింది. ఇలా ప్రపంచవ్యాప్తంగా రికార్డు సృష్టించిన బాహుబలి జపాన్‌లో కలెక్షన్ల సునామీ సృష్టించేందుకు సిద్ధంగా ఉంది. బాహుబలి2 చిత్రం డిసెంబర్ 29న రిలీజ్‌కు సిద్దమవుతున్నది.

రష్యాలో ట్రైలర్ రిలీజ్

బాహుబలి2 జపాన్‌ రిలీజ్‌కు ఏర్పాట్లు జరుగుతుండగా, చైనా, రష్యన్ భాషలో ఈ సినిమా ను రిలీజ్ చేసేందుకు ఏర్పాట్లు చేస్తున్నారు. దీనికి సంబంధించిన రష్యన్ ట్రైలర్‌ను తాజాగా రిలీజ్ చేశారు. ఆ ట్రైలర్ మీకోసం..