మహా బాహుబలి: రెండు పార్టులూ ఒకే సినిమా గా ఇంగ్లీష్ లో

వేర్వేరు సినిమాలు కావు

"ఫస్ట్ పార్ట్‌కి వచ్చిన స్పందన ఆధారంగా సెకండ్ పార్ట్ ప్లాన్ చేసుకోవడానికి ఇవి రెండూ వేర్వేరు సినిమాలు కావు. బాహుబలి అనే సినిమాని రెండు భాగాలుగా తెరకెక్కించాలి అని ముందుగానే డిసైడ్ చేసుకున్నాం. రెండు భాగాలు కలిపి అంతా ఒకటే స్టోరీ కాబట్టి మొదటి భాగానికి కొనసాగింపుగా రెండో భాగం వుంటుంది.

రాజమౌళి చెప్పిన సమాధానం

సెకండ్ పార్ట్‌లో అదనంగా విజువల్ ఎఫెక్ట్స్‌ని జోడించడం, అదనపు బడ్జెట్‌ని కేటాయించడం జరిగింది కానీ అంతకు మించి ఇంకా ఎటువంటి మార్పులు చేయలేదు." బాహుబలి ది కంక్లూజన్ కి ముందు ఒక పత్రిక కి ఇచ్చిన ఇంటర్వ్యూలో మొదటి భాగానికి వచ్చిన ఆదరణను బట్టే రెండో కథలో మార్పులేమైనా చేసారా? అన్న ప్రశ్నకు రాజమౌళి చెప్పిన సమాధానం ఇది....

రెండు భాగాల్ని కలిపి

ఇప్పటివరకు ఇదంతా బాగానే ఉన్నా.. ఇప్పుడు మాత్రం బాహుబలి రెండు భాగాల్ని కలిపి ఒక సినిమాగా కుదించడానికి సన్నాహాలు జరుగుతుండటం విశేషం. ‘బాహుబలి' రెండు భాగాల్ని కలిపి ఒక సినిమాగా కుదించడానికి సన్నాహాలు జరుగుతున్నాయి. ‘బాహుబలి: ది బిగినింగ్'ను.. ‘బాహుబలి: ది కంక్లూజన్'ను కలిపి ఒక ఇంటర్నేషనల్ వెర్షన్ రెడీ చేస్తున్నారు చిత్ర నిర్మాతలు.

రెండున్నర గంటల నిడివి

అసలు గత ఏడాదే బాహుబలి ది బిగినింగ్ ను ఓ హాలీవుడ్ ఎడిటర్ సాయంతో ఎడిట్ చేసి రిలీజ్ చేసినా అది ఇంగ్లిష్ వెర్షన్ కాదు. అందుకే ఇప్పుడు అంతర్జాతీయ స్థాయిలో పేరున్న ఎడిటర్ల సాయంతో మొత్తంగా దాదాపు 5 గంటల 20 నిమిషాల నిడివి ఉన్న రెండు భాగాలను కలిపి రెండున్నర గంటల నిడివికి కుదించనున్నారట. దీనికోసం రెండు భాగాల్లోని పాటలతో పాటు అనవసరం అనుకున్న కొన్ని సీన్స్ ను తీసేసి ఈ ఇంటర్నేషనల్ వెర్షన్ ను రెడీ చేయబోతున్నారు.

ఇంగ్లిష్ ‘బాహుబలి’

ఇలా అంతర్జాతీయ స్థాయిలో పేరు మోసిన ఎడిటర్ల సాయంతో ఈ వెర్షన్ ను ఇంగ్లిష్ లోకి అనువాదం చేసి.. దాన్ని పలు దేశాల్లో రిలీజ్ చేస్తారట. ఇప్పటికే ‘బాహుబలి' రెండు భాగాలు విడుదలైన దేశాలతో పాటు మరిన్ని దేశాల్లో బాహుబలి ఇంగ్లిష్ వెర్షన్ రిలీజవుతుందని సమాచారం.