Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
మహేశ్బాబు.. కాదు ముందు.. యంగ్టైగర్.. ఏమో అల్లు అర్జున్.. రాజమౌళి తికమక
బాహుబలి2 తర్వాత దర్శకుడు రాజమౌళి రూపొందించబోయే సినిమా ఏంటనే విషయంపై సర్వత్రా ఆసక్తి నెలకొన్నది. తన తదుపరి చిత్రంపై ఇప్పటివరకు దర్శకుడు రాజమౌళి ఎలాంటి క్లారిటీ ఇవ్వలేదు.
బాహుబలి2 తర్వాత దర్శకుడు రాజమౌళి రూపొందించబోయే సినిమా ఏంటనే విషయంపై సర్వత్రా ఆసక్తి నెలకొన్నది. తన తదుపరి చిత్రంపై ఇప్పటివరకు దర్శకుడు రాజమౌళి ఎలాంటి క్లారిటీ ఇవ్వలేదు. కానీ రెండు చిత్రం మాత్రం మహేశ్బాబు అనే మాటను మాత్రం వెల్లడించడంతో ప్రిన్స్ అభిమానుల్లో పండుగ వాతావరణం నెలకొన్నది. దానికంటే ముందు తీసే సినిమా ఎన్టీఆర్తో ఉంటుందనే మాట సినీ వర్గాల్లో వినిపిస్తున్నది.
తదుపరి సినిమాలపై జక్కన్న క్లారిటీ
బాహుబలిలో భళ్లాలదేవ పాత్రతో ఆకట్టుకొన్న రానా దగ్గుబాటి హోస్ట్గా నంబర్ వన్ యారీ అనే షో ప్రారంభమైంది. ఈ కార్యక్రమానికి రాజమౌళి హాజరయ్యారు. ఈ కార్యక్రమంలో తన తదుపరి ప్రాజెక్టుల గురించి కొంత వివరణ ఇచ్చారు. నిర్మాతలు కేఎల్ నారాయణ, డీవీవీ దానయ్యతో సినిమాలు చేయాల్సి ఉంది అని జక్కన్న చెప్పారు.
ప్రిన్స్ మహేశ్తో కేఎల్ నారాయణ సినిమా
సూపర్స్టార్ మహేశ్తో ఓ సినిమా చేస్తాను. ఆ చిత్రానికి కేఎల్ నారాయణ నిర్మాతగా వ్యవహరిస్తారు. ఇంకా ఆ ప్రాజెక్ట్కు ఇంకా టైం పడుతుంది. కథ గురించి అనుకొన్నాం. ఇంకా దానిపై పూర్తిస్థాయిలో ఆలోచించలేదు. ఆ లైన్పై కసరత్తు చేయాల్సి ఉంది అని రాజమౌళి చెప్పారు.
కథను బట్టి హీరో అంటున్న రాజమౌళి
ప్రిన్స్ మహేశ్బాబుతో సినిమా చేసే ముందు డీవీవీ దానయ్యతో సినిమా చేస్తాను. నిర్మాత దానయ్య చిత్రం కోసం ప్రస్తుతం కథను సిద్ధం చేస్తున్నాను. ఇక ఆ కథకు ఏ హీరో సరిపోతాడో.. అతనినే ఆ ప్రాజెక్ట్లో తీసుకోవాలనుకుంటున్నాను అని రాజమౌళి చూచాయగా చెప్పారు.
ఎన్టీఆర్ లేదా అల్లు అర్జున్
అయితే.. రాజమౌళి తదుపరి ప్రాజెక్ట్లో యంగ్ టైగర్ ఎన్టీఆర్ నటించనున్నారనే వార్త ఫిలింనగర్లో ప్రచారంలో ఉంది. అలాగే మెగా ఫ్యామిలీ హీరో అల్లు అర్జున్ పేరు ఈ సినిమా కోసం వినిపడుతున్నది. ఏది ఏమైనా కథ తయారైన తర్వాత అప్పటి పరిస్థితులకు అనుగుణంగా రాజమౌళి హీరోపై ఓ నిర్ణయం తీసుకొంటారని తెలుస్తున్నది.