సావిత్రి స్మృతికి స్టాంపులు

By Staff

Published: Tuesday, December 30, 2008, 10:08 [IST]

మహానటి సావిత్రి పేరట త్వరలో పోస్టల్ స్టాంపులు విడుదల కానున్నాయి. వివిధ రంగాలలో సేవలందించిన ప్రముఖులు, చారిత్రక ప్రదేశాల స్మృతికి చిహ్నాంగా 2009లో స్టాంపులు విడుదలచేయనున్నట్లు తపాలా శాఖ ప్రతినిధి తెలిపారు. ఇందులో భాగంగా భారత సినీ చరిత్రలో ఓ వెలుగువెలిగిన నటీమణులు మీనాకుమారి, దేవికారాణి, సావిత్రి, కన్నన్‌దేవి తదితరుల పేరిట స్టాంపులు విడుదల చేస్తామని పేర్కొన్నారు.

ప్రముఖ నవలా రచయిత ఆర్‌.కె.నారాయణ్‌, జాతీయ పతాక రూపకర్త, రచయిత పింగళి వెంకయ్య, మహ్మద్‌ బాసీర్‌, కమ్యూనిస్ట్‌ యోదుడు పి. జీవానందం పేరిట కూడా స్టాంపులు విడుదల చేసేందుకు సన్నాహాలు చేస్తున్నారు. వారసత్వ సంపదకు నిదర్శనాలైన గుల్మర్గ్‌, డార్జిలింగ్‌, ఉదకమండలం(ఊటీ), సిమ్లాతో పాటు 12 రాశుల పైన స్టాంపులు విడుదల చేయాలని నిర్ణయించారు.మన మహానటి సావిత్రి పేరిట స్టాంపులు రావటం ఆవిడ అభిమానులకే కాక ఆంధ్రులంతా ఆనందపరిచే అంసం.

More from Filmibeat