స్టార్ నైట్ కి వచ్చిన మొత్తం ఎంతంటే...

శనివారం రాత్రి హైదరాబాద్ గచ్చిబౌలీ స్టేడియంలో తెలుగు చలన చిత్ర పరిశ్రమ నిర్వహించిన స్టార్ నైట్ కార్యక్రమం విజయవంతమైంది. ఈ పోగ్రాం ద్వారా ఐదు కోట్ల 28 లక్షల 47 వేల 101 రూపాయలు వచ్చాయి. ఈ కార్యక్రమానికి హజరైన ముఖ్యమంత్రి రోశయ్యకు దాసరి నారాయణరావు, బాలకృష్ణ తదితరులు ఈ చెక్కును అందచేశారు. ఈ మొత్తంతో వరద బాధితులకు చలన చిత్ర పరిశ్రమ తరఫున సహాయ కార్యక్రమాలు చేపట్టాలని వారు విజ్ఞప్తి చేశారు. ఈ మొత్తానికి సమానమైన మొత్తాన్ని ముఖ్యమంత్రి సహాయ నిధి నుంచి జోడిస్తానని ముఖ్యమంత్రి రోశయ్య ప్రకటించారు. ఈ మొత్తంతో చేపట్టే సహాయ పనులను గుర్తించడానికి సినిమా ప్రముఖులు,అధికారులతో ప్రత్యేక కమిటీ వేస్తామని ఆయన తెలిపారు.