తనయుడి కాలేయ దానం.. సుద్దాల సర్జరీ సక్సెస్

అలా చేయడంతో అందరికీ..

నటుడు ఉత్తేజ్, సుద్దాలకు బంధువు కూడా. తన మామయ్య ఆరోగ్యంపై ఉత్తేజ్ స్పందిస్తూ.. ఓ వీడియో సందేశాన్ని విడుదల చేశాడు. ఆయన కాలేయ సంబంధిత వ్యాధితో బాధపడుతున్నాడని చెప్పుకొచ్చాడు. ఆయన సర్జరీలో భాగంగా బ్లడ్ అవసరముంటుందేమోనని ఆయన తన స్నేహితుడికి చెప్పాడని తెలిపాడు. దీంతో ఆయన ఆ విషయాన్ని ఫేస్ బుక్‌లో షేర్ చేసేసరికి విషయం అందరికీ తెలిసిందని పేర్కొన్నాడు.

బాగానే ఉన్నారు..

అయితే ఆ విషయం తెలుసుకుని అందరూ పలు రకాలుగా వార్తలు రాస్తున్నారని, అవన్నీ అబద్దమని చెప్పుకొచ్చాడు. ప్రస్తుతం క్షేమంగా ఉన్నారని సర్జరీ చేయిస్తున్నామని తెలిపాడు. ఈ మేరకు చిరంజీవి బ్లడ్ బ్యాంక్ ద్వారా డొనేటర్స్ కూడా వస్తున్నారని పేర్కొన్నాడు.

చిరు భరోసా..

సర్జరీ జరగబోతోందని తెలిసిన చిరంజీవి సుద్దాలతో మాట్లాడని, కొండంత ధైర్యమిచ్చాడని చెప్పుకొచ్చాడు. ఆయన మాటలతో ఎంతో బలం వచ్చిందని, ఇండస్ట్రీ మొత్తం మాట్లాడినట్టు అనిపిస్తుందిరా అని సుద్దాల అన్నట్టు ఉత్తేజ్ చెప్పుకొచ్చాడు. తాజా సమాచారం ప్రకారం ఆయనకు చేసిన సర్జరీ సక్సెస్ అయినట్టు తెలుస్తోంది.

తనయుడి కాలేయ దానం..

హైద‌రాబాద్‌లోని గచ్చిబౌలీలోని ఓ ప్రైవేటు ఆసుప‌త్రిలో ఆయన చికిత్స పొందుతున్నారు. శ‌నివారం ఆయ‌న‌కు కాలేయ మార్పిడి శ‌స్త్ర చికిత్స జ‌రిగింది. సుద్దాల త‌నయుడు అర్జున్ తేజ్ కాలేయ దానం చేశారు. దాంతో సుద్దాల అశోక్ తేజ‌కు జ‌రిగిన ఆప‌రేష‌న్ స‌క్సెస్ అయ్యింద‌ని ఆసుప‌త్రి వ‌ర్గాలు తెలిపాయి. శనివారం ఉద‌యం మొదలైన ఆప‌రేష‌న్ సాయింత్రం వ‌ర‌కూ సాగింద‌ని తెలుస్తోంది. ఇక సుద్దాల‌, ఆయ‌న త‌న‌యుడు ఇద్ద‌రూ క్షేమంగానే ఉన్నార‌ని వైద్యబృందం తెలిపింది.