Don't Miss!
- News షర్మిల గురి మారిందా - వారి ఆశలపై నీళ్లు, ఫలితం తారుమారు..!!
- Sports హేటర్స్ ఎంతకు తెగించారు: చివరికి హార్దిక్ పాండ్యా వైఫ్ను కూడా
- Finance RBI: 2000 నోట్లపై కీలక ప్రకటన చేసిన ఆర్బీఐ..
- Technology 50MP సెల్ఫీ కెమెరా తో Samsung కొత్త ఫోన్! లాంచ్,ధర వివరాలు
- Automobiles ప్రపంచంలోనే 'ది బెస్ట్ కారు' ఇదే.. 29 దేశాల నుంచి 100 మంది ఆటో మొబైల్ జర్నలిస్ట్లు ఎంపిక చేసిన కారు ఏదంటే??
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
నేడే రిజల్ట్: చిరంజీవి వల్ల కాలేదు, ఇతని వల్ల అవుతుందా?
బాలీవుడ్ స్టార్ ఈ ట్యాగ్ కోసం చాలామంది తెలుగుహీరోలు తపన పడ్డారు. కానీ ఇప్పటి వరకూ ఏ ఒక్క హీరో ఆ టార్గెట్ ని అందుకోలేక పోయారు. టాలీవుడ్ నుంచి బాలీవుడ్ వెళ్లి సక్సెస్ కొట్టిన వాళ్లంతా శ్రీదేవీ,జయప్రద ఇలా హీరోయిన్లు మాత్రమే . తెలుగు మేల్ ఆర్టిస్టుల్లో బాలీవుడ్ లో ఎవరూ సరిగా నిలబడలేకపోయారు. ఇందుకు మెగాస్టార్ చిరంజీవి - తర్వాత రామ్ చరణ్ - లేటెస్ట్ గా పవన్ కళ్యాణ్ కూడా ఉత్తరాది ప్రేక్షకులని ఆకట్టుకోలేక ఇక్కడే ఆగిపోయారు. అప్పట్లో నాగార్జున కోన్ని హిందీ సినిమాల్లో కనిపించాడు కానీ వాటితో పెద్దగా ఒరిగిందేమీ లేదని చెప్పాలి.
కానీ ఇప్పుడు మరో తెలుగు నటుడు ఆ కలని నిజం చేసే ప్రయత్నం చేస్తున్నాడు. మహేష్ బాబు బావ సుధీర్ బాబు ఓ సూపర్ ఎఫర్ట్ తో బాలీవుడ్ లో అడుగు పెడుతున్నాడు. ఇప్పటివరకూ ఇలా ఎంట్రీ ఇచ్చిన వాళ్లకు భిన్నంగా.. "బాఘీ" మూవీతో విలన్ గా అరంగేట్రం చేస్తున్నాడు. ఈ మూవీ రిలీజ్ ఇవాళే. ఇప్పటికే టీజర్ లు - ట్రైలర్ లతో యాక్షన్ పార్ట్ ను ఇరగదీసేయడమే కాదు.. స్పెషల్ గా సుధీర్ బాబుపైనే ఓ టీజర్ కూడా ఇచ్చారు.
సుధీర్ బాబు ను రాఘవగా పరిచయం చేస్తున్నారంటూ ఇచ్చిన టీజర్ కు విపరీతమైన రెస్పాన్స్ నుంచి వచ్చింది. ఇందులో సుధీర్ బాబు లుక్ కానీ.. అతడి అప్పీయరెన్స్ కానీ అద్బుతం అనే చెప్పాలి. దీంతో టాలీవుడ్ సెలబ్రెటీలు ఇక్కడి జనాలు సుధీర్ పై ప్రశంసలు కురిపిస్తూ ట్వీట్లు చేశారు. కొన్ని గంటలక్రితమే రిలీజ్ అయిన భాఘీ చిత్రం వచ్చిన అన్ని రివ్యూల్లోనూ సుధీర్ బాబు నటన పై ప్రశంసలుకురుస్తున్నాయి. ఈ సినిమా హీరో టైగర్ ష్రాఫ్ తో సమానం గా సుధీర్ బాబు మార్కులు కొట్టేశాడు.
ఇప్పటివరకూ ఉన్న హైప్ ప్రకారం చూస్తే.. బాలీవుడ్ లో అరంగేట్రంలోనే సుధీర్ బాబు సంచలనం నమోదు చేస్తాడనే అనిపిస్తోంది. హీరోగా కాకున్నా ఒక పేరున్న నటుడి గా అయినా నిలబడే అవకాశాలున్నాయి. మూవీ కోసం బాడీని భారీగా పెంచి కండలు మెలితిప్పి అత్యంత క్రూరమైన విలన్ గా కనిపిస్తూ. హిందీ సినీ పరిశ్రమలో పాగా వేసే అవకాశాలు పుష్కలంగా ఉన్నాయంటున్నారు. మరి రిజల్ట్ ఏమిటో మరికొన్ని గంటల్లో తెలిసిపోతుంది. తెలుగు హిట్ మూవీ 'వర్షం'కు రీమేక్ గా చెబుతున్న ఈ సినిమా సుధీర్ కు ఎలాంటి ఫలితాన్నిస్తుందో చూడాలి.