Don't Miss!
- News మోదీ వలనే బంగారు రేటు పెరిగింది, ఐటీ అధికారులకు కళ్లు ఉన్నాయా, టీడీపీతో పొత్తు పెట్టుకుని ?
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Sports అతని వల్లే RCB టైటిల్ చేజారింది- అనిల్ కుంబ్లే
- Finance Swiggy IPO: ఐపీఓగా రానున్న స్విగ్గీ..!
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Lifestyle వేసవిలో మైగ్రేన్ తలనొప్పి ఎందుకు పెరుగుతుంది, లక్షణాలు, ఉపశమనం ఎలా పొందాలో తెలుసుకోండి
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అదితిరావుతో సుధీర్బాబు సమ్మోహనం.. రొమాన్స్లో కొత్త పోకడ..
సుధీర్బాబు, బాలీవుడ్ నటి అదితిరావు హైదరీ జంటగా మోహనకృష్ణ ఇంద్రగంటి దర్శకత్వంలో శ్రీదేవి మూవీస్ పతాకంపై శివలెంక కృష్ణప్రసాద్ నిర్మిస్తోన్న చిత్రానికి సమ్మోహనం అనే పేరును ఖరారు చేశారు. గురువారం సాయంత్రం 4.41గంటలకు టైటిల్ను ప్రకటించారు.
సమ్మోహనం మ్యాజికల్ ఎట్రాక్షన్
చిత్ర దర్శకుడు మోహనకృష్ణ ఇంద్రగంటి మాట్లాడుతూ.. సమ్మోహనం అంటే మంత్రముగ్ధులని చేసే ఒక అందమైన ఆకర్షణ. ఒక మ్యాజికల్ ఎట్రాక్షన్. మా చిత్రంలో హీరో హీరోయిన్ల మధ్య సమ్మోహనకరమైన రొమాన్స్ ఉండటంతో పాటు మిగతా పాత్రలకి ఉండే విభిన్నమైన ఆకర్షణలు మెప్పిస్తాయి అని అన్నారు.
నవతరం ప్రేమకథా చిత్రం
ఓ కొత్త పోకడ ఉన్న నవతరం ప్రేమకథా చిత్రంగా ఉంటూనే ఆద్యంతం హాస్యం, సజీవమైన కుటుంబ బంధాలు, ఉద్వేగ భరిత సన్నివేశాల సమాహారంగా సమ్మోహనం చిత్రం తెరకెక్కుతోంది అని ఇంద్రగంటి అన్నారు.
కథకు యాప్ట్గా టైటిల్
చిత్ర నిర్మాత శివలెంక కృష్ణప్రసాద్ మాట్లాడుతూ కథకు యాప్ట్ గా ఉండేలా `సమ్మోహనం` టైటిల్ని ఖరారు చేశాం. ఇప్పటి వరకూ మూడు షెడ్యూళ్లు పూర్తయ్యాయి. ఈ నెల 22 నుంచి మార్చి 3 వరకు నాలుగో షెడ్యూల్ హైదరాబాద్లో జరుగుతుంది. దాంతో 80 శాతం షూటింగ్ పూర్తవుతుంది. మార్చి 3వ వారం నుంచి ఏప్రిల్ 3 వరకూ హిమాచల్ ప్రదేశ్, ముంబైలో షూటింగ్ చేస్తాం అని తెలిపారు.
పీజీ విందా కెమెరా హైలైట్
పెళ్లిచూపులు ఫేమ్ వివేక్ సాగర్ మంచి సంగీతాన్నిచ్చారు. పీజీ విందా కెమెరా సినిమాకు హైలైట్ అవుతుంది. ఇది ఫీల్ గుడ్ ఫిల్మ్. ప్రేమ, వినోదం ప్రధానాకర్షణలుగా నిలుస్తాయి. పూర్తి స్థాయి టెక్నికల్ వేల్యూస్తో తెరకెక్కిస్తున్నాం. మే మూడో వారంలో చిత్రాన్ని విడుదల చేయడానికి సన్నాహాలు చేస్తున్నాం అని కృష్ణ ప్రసాద్ అన్నారు.
నటీనటులు
సుధీర్బాబు, అదితిరావు హైదరి, వి.కె.నరేశ్, తనికెళ్ల భరణి, పవిత్ర లోకేష్, రాహుల్ రామకృష్ణ నందు, అమిత్ పురోహిత్, కాదంబరి కిరణ్, హరితేజ, కేదార్ శంకర్, శిశిర్ శర్మ, అభయ్, హర్షిణి, బిగ్ ఎఫ్.ఎం.క్రిష్ తదితరులు నటిస్తోన్నారు.
టెక్నికల్ డిపార్ట్మెంట్
సమ్మోహనం సినిమాకు ప్రొడక్షన్ ఎగ్జిక్యూటివ్స్: పి. రషీద్ అహ్మద్ఖాన్, కె.రామాంజనేయులు, కో డైరక్టర్: కోట సురేశ్కుమార్, ప్రొడక్షన్ డిజైనర్: రవీందర్, ఎడిటర్: మార్తాండ్.కె.వెంకటేష్, కెమెరా: పి.జి.విందా, సంగీతం: వివేక్ సాగర్; నిర్మాత: శివలెంక కృష్ణప్రసాద్, రచన-దర్శకత్వం: మోహనకృష్ణ ఇంద్రగంటి.