మహేష్ బావ సంచలనం.. కృష్ణ బయోపిక్, అంతా సస్పెన్స్!

సుధీర్ బాబు

సూపర్ స్టార్ మహేష్ బావ సుధీర్ బాబు ప్రస్తుతం నన్ను దోచుకుందువటే చిత్రంలో నటిస్తున్నాడు. ఈ చిత్ర ప్రచార కార్యకమాలని సుధీర్ ప్రారంభించాడు. సుధీర్ బాబు సొంత నిర్మాణంలో ఈ చిత్రం తెరకెక్కుతోంది.

సంచలన ప్రకటన

ఈ చిత్ర ప్రచార కార్యక్రమాల కోసం సుధీర్ బాబు ఇటీవల వైజాగ్ కు వెళ్ళాడు. మీడియాతో మాట్లాడుతూ సంచలన ప్రకటన చేశాడు. మీరంతా త్వరలో సూపర్ స్టార్ కృష్ణ బయోపిక్ చిత్రం గురించి వార్త వింటారు అని ప్రకటించాడు.

సస్పెన్స్

కానీ ఈ చిత్రంలోకృష్ణ పాత్రలో ఎవరు నటిస్తున్నారు, తానే ఈ చిత్రానికి నిర్మాతగా మారుతున్నాడా అనే ఆసక్తికర విషయాలు రివీల్ చేయలేదు. టాలీవుడ్ లెజెండరీ నటులలో సూపర్ స్టార్ కృష్ణ ఒకరు. అత్యధిక చిత్రాల్లో హీరోగా నటించిన ఘనత ఆయన సొంతం.

కృష్ణ అభిమానులకు

సూపర్ స్టార్ కృష్ణ అభిమానులకు ఈ వార్త పండుగలాంటిది అని చెప్పొచ్చు. ఇప్పటికే టాలీవుడ్ లో ఎన్టీఆర్ బయోపిక్ చిత్రం రూపొందుతోంది. ఇటీవల లెజెండరీ నటి సావిత్రి బయోపిక్ మహానటి విడుదలై ఘనవిజయం సాధించిన సంగతి తెలిసిందే.