Don't Miss!
- News AP Pre-Poll Survey: ఏపీ ఎన్నికల్లో జనం పల్స్ క్లియర్ ! ఎన్ని సీట్లో తెలుసా ? లేటెస్ట్ సర్వే..
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. లాంచ్, స్పెసిఫికేషన్ల పూర్తి వివరాలు..!!
- Sports ధోనీని ఒప్పించడం కష్టమే..ఆ ఫేక్ న్యూస్ నమ్మొద్దు- రోహిత్
- Lifestyle Marriage Day Wishes in Telugu : పెళ్లిరోజు శుభాకాంక్షల సందేశాలను ఇలా పంపండి..
- Automobiles జాన్ అబ్రహం మనసుదోచిన కొత్త బైక్ ఇదే!.. మీరూ చూడండి
- Finance Just Dial Stock: జస్ట్ డయల్ స్టాక్ రికార్డుల మోత.. ఇంట్రాడేలో 13 శాతం అప్.. అదే కారణం..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
సుధీర్ బాబు సొంతగా....‘ఆడు మగాడ్రా బుజ్జి’!
హైదరాబాద్: మహేష్ బాబు బావ సుధీర్ బాబు ఇటీవల 'ప్రేమ కథా చిత్రమ్'తో హిట్టకొట్టిన సంగతి తెలిసింది. ప్రస్తుతం సుధీర్ బాబు 'ఆడు మగాడ్రా బుజ్జి' చిత్రంలోనటిస్తున్నారు. నవంబర్ మొదటి వారంలో విడుదలకు సిద్దమవుతున్న ఈచిత్రంలో సుధీర్ బాబు సొంతగా స్టంట్స్ పెర్ఫార్మ్ చేస్తున్నారట.
నిర్మాత సుబ్బారెడ్డి మాట్లాడుతూ...'ఈ చిత్రంలో సుధీర్ బాబు ఒళ్లు గగుర్బొడిచే యాక్షన్ సన్నివేశాల్లో ఎలాంటి డూప్ లేకుండా సొంతగా చేస్తున్నారు. ఎంతో ప్రొఫెషనల్గా వాటిని చేసారాయన. రియలిస్టిక్గా సీన్ రావాలనే ఆకాంక్షతోనే ఆయన సొంతగా స్టంట్స్ చేస్తున్నారు. ఆ సన్నివేశాలు సినిమాకే హైలెట్గా నిలుస్తాయి' అని తెలిపారు.
సుధీర్బాబు హీరోగా కలర్స్ అండ్ క్లాప్స్ ఎంటర్టైన్మెంట్స్ సంస్థ 'ఆడు మగాడ్రా బుజ్జీ' చిత్రాన్ని నిర్మిస్తోంది. పూనమ్ కౌర్, అస్మితాసూద్ హీరోయిన్లుగా నటిస్తున్న ఈ చిత్రంతో కృష్ణారెడ్డి గంగదాసు దర్శకునిగా పరిచయమవుతున్నారు. సుబ్బారెడ్డి, ఎస్.ఎన్.రెడ్డి నిర్మాతలు.
ఈ చిత్రం పూర్తి ఎంటర్టైన్మెంట్ తో నడవనుందని తెలుస్తోంది. కొద్దిపాటి యాక్షన్, పూర్తి స్ధాయి ఫన్, రొమాన్స్ తో చిత్రం జనరంజకంగా దర్శకుడు తీర్చిదిద్దుతున్నారు. సినిమాలో హీరో సుధీర్ బాబు పాత్ర చాలా సరదాగా ఉంటుందని, తండ్రి,కొడుకుల మద్య రిలేషన్ సీన్స్, ఎమోషన్స్ హైలెట్ గా నిలుస్తాయని చెప్తున్నారు. ప్రతీ ఒక్కరూ ఆ సీన్స్ కు కనెక్టు అవుతారని చెప్తున్నారు. సుధీర్బాబును కొత్త కోణంలో ఆవిష్కరించే సినిమా ఇది.
టాకీపార్ట్ మొత్తం పూర్తయింది. సుమన్, నరేష్, సంధ్యా జనక్, లక్ష్మి, రణ్ధీర్, సాయి, కృష్ణభగవాన్, పృథ్విరాజ్, సుమన్శెట్టి తదితరులు నటిస్తున్నారు. ఈ చిత్రానికి సంగీతం: శ్రీ, కథ: కృష్ణాడ్డి గంగదాసు, లంకపల్లి శ్రీనివాస్, కెమెరా: శాంటోనియో ట్రిజియో, పాటలు: పద్మశ్రీ, నక్కా రామకృష్ణ, పాటలు: అనంతశ్రీరామ్, కృష్ణచైతన్య, చిర్రావూరి విజయ్కుమార్, నిర్మాతలు:సుబ్బారెడ్డి, ఎస్.ఎన్.రెడ్డి, స్క్రీన్ప్లే, దర్శకత్వం: కృష్ణారెడ్డి గంగదాస్.