పార్టీలో క్రేజీగా ప్రవర్తించిన సల్మాన్ ఖాన్ (ఫోటోస్)

By Bojja Kumar

Published: Wednesday, May 11, 2016, 14:30 [IST]

ముంబై: బాలీవుడ్ స్టార్ సల్మాన్ ఖాన్ ప్రస్తుతం 'సుల్తాన్' అనే చిత్రంలో నటిస్తున్న సంగతి తెలిసిందే. ఈ చిత్రంలో సల్మాన్ కుస్తీ(వ్రెజ్లింగ్) క్రీడాకారుడిగా కనిపించబోతున్నాడు. రియల్ లైఫ్ కథాంశంతో ఈ చిత్రాన్ని తెరకెక్కిస్తున్నారు. కొన్ని రోజులుగా ఈ చిత్రానికి సంబంధించిన చివరి షూటింగ్ షెడ్యూల్ హర్యానాలోని రేవరి ప్రాంతంలో జరుగుతోంది.

నేటితో షూటింగ్ పూర్తి కావడంతో యూనిట్ సభ్యులంతా పార్టీ చేసుకున్నారు. ఇందుకు సంబంధించిన ఫోటోలను దర్శకుడు అలీ అబ్బాస్ జాఫర్ తన టిట్టర్లో పోస్టు చేసారు. ఈ పార్టీలో సల్మాన్ తో పాటు యూనిట్ సభ్యులు క్రేజీగా ప్రవర్తించారు. ఒకరినొకరు భుజాలపై ఎత్తుకుని ఫోటోలకు ఫోజులు ఇచ్చారు. సల్మాన్ అయితే ఏకంగా ఇద్దరు వ్యక్తులను తన భుజాలపై ఎత్తుకోవడం గమనార్హం.

ఈ ఫోటోల గురించి దర్శకుడు వివరిస్తూ.... 'వ్రెజ్లింగ్ గేమ్.. షూటింగ్ ముగింపు పార్టీలో హింద్ కేసరి జగదీష్ కాలిరామన్ సుల్తాన్ ను తన భుజాలపై ఎత్తుకున్నారు. అనంతరం హింద్ కేసరి పల్విందర్ చీమా సుల్తాన్ ను ఎత్తుకున్నారు. ఫైనల్ గా సుల్తాన్ ఈ ఇద్దరి తన భుజాలపై ఎతుకున్నారు' అని తెలిపారు. సినిమాలో సల్మాన్ ఖాన్ శక్తివంతమైన వ్యక్తిగా కనిపించబోతున్నాడు అని చెప్పడానికి ఈ ఫోటోస్ పోస్టు చేసారు.

సినిమాకు సంబంధించిన వివరాల్లోకి వెళితే...సుల్తాన్ అలీ ఖాన్ అనే మల్లయోధుని పాత్రలో సల్మాన్ నటిస్తున్నారు. సల్లూభాయ్‌కు జోడిగా అనుష్క శర్మ నటిస్తుంది. బాలీవుడ్ ప్రముఖ నిర్మాణ సంస్థ యశ్‌రాజ్ ఫిలింస్ సుల్తాన్‌ను భారీగా నిర్మిస్తుంది. ఈ మూవీ రంజాన్ కానుకగా జూలై 6న ప్రేక్షకుల ముందుకు రానుంది.