డైరక్టర్ గా మారుతున్న మాజీ హీరో...

By Staff

| Published: Wednesday, July 2, 2008, 19:00 [IST]

హీరో పాత్ర నుండి రజనీ 'శివాజీ' తో విలన్ గా మారి కెరీర్ ని తెలివిగా మలుచుకొస్తన్న సుమన్ త్వరలో మెగాఫోన్ పట్టబోతున్నాడు. ఓ యాక్షన్ దర్శకత్వం చేస్తానంటున్న ఆయనికి TFPC సెక్రటరీ కాట్రగడ్డ ప్రసాద్ నిర్మాతగా అండగా ఉండబోతున్నాడు. ఓ కొత్త హీరోని ఇంట్రడ్యూస్ చేసే ఆలోచనలో ఉన్న సుమన్ ఈ సినిమాలోనూ ఓ పాత్ర పోషిస్తారని తెలుస్తోంది. ఇక సుమన్ ,కాట్రగడ్డ ప్రసాద్ కాంబినేషన్ ఇప్పటిది కాదు. వారి కాంబినేషన్ లో బందిపోటు(1988) వంటి యాక్షన్ సినిమాలు ఎన్నో వచ్చి పెద్ద హిట్టయ్యాయి.

అలాగే సుమన్ బ్లూ ఫిలిం కేసులో ఇరుక్కున్నప్పుడు మోరల్ సపోర్టుగా నిలిచి సినిమాలు తీసి నిలబెట్టిందీయనే. అలాగే ఆయన నగ్మా,సంఘవి వంటి హీరోయిన్లను పరిశ్రమకు పరిచయం చేసారు. రాజమౌళి,శ్రీనువైట్ల,రామ్ ప్రసాద్ వంటి వారిని దర్శకత్వ శాఖలో పెట్టిన ఘనతా ఈయనదే. ఇప్పుడు సుమన్ ని దర్శకుడుగా పరిచయం చేస్తున్నాడు. వారందరి లాగేనే సుమన్ కూడా విజయం అందిస్తాడని ఆసతో ఉన్నారు. ఇక ఈ సినిమా ఈ యేడాది ఆఖరులో ప్రారంభమవ వచ్చంటున్నారు.