ఈ వేసవికి రిలీజు అవుతున్న తెలుగు పెద్ద సినిమాల లిస్ట్

ఈ వేసవి కి తెలుగులో పెద్ద హీరోల చిత్రాలు పోటాపోటీగా విడుదల కానున్నాయి. వీటిల్లో మొదటిగా పవన్‌ కళ్యాణ్‌-జయంత్‌ సి.పరాన్జీ కాంబినేషన్‌లో హాస్య నటుడు గణేష్‌బాబు నిర్మిస్తున్న లవ్ లీ చిత్రాన్ని చెప్పుకోవాలి. ఆ తర్వాత మహేష్‌బాబుతో శ్రీను వైట్ల రూపొందిస్తున్న 'దూకుడు" చిత్రం కూడా ఈ వేసవిలోనే ప్రేక్షకుల ముందుకు రానుంది. అలాగే, ఎన్టీఆర్‌-మెహర్‌ రమేష్‌ కాంబినేషన్‌లో అశ్వినీదత్‌ నిర్మిస్తున్న 'శక్తి" కూడా సమ్మర్‌కే సందడి చేయనుంది. అయితే ఇక్కడ ట్విస్ట్ ఏమిటంటే..ఈ ముగ్గురు హీరోలు నటించిన 'కొమరం పులి", 'ఖలేజా", 'బృందావనం" చిత్రాలు కూడా గతేడాది నెల్రోజుల వ్యవధిలో విడుదలయ్యాయి. ప్రభాస్‌-కాజల్‌ జంటగా నటించిన 'మిస్టర్‌ పర్‌ఫెక్ట్‌" కూడా ఈ సమ్మర్ కే వస్తోంది. అలాగే బన్నీ కాంబినేషన్ వివి వినాయక్‌-అల్లు అర్జున్‌ కలయికలో అల్లు అరవింద్‌ నిర్మిస్తున్న 'బద్రినాధ్‌" కూడా ఈ వేసవికి వినోదాన్ని పంచేందుకు సన్నద్ధమవుతోంది.అదేవిధంగా, ఇటీవలే 'మిరపకాయ్‌" చిత్రంతో సూపర్‌హిట్‌ను సొంతం చేసుకున్న రవితేజ నటిస్తున్న 'వీర" కూడా వస్తోంది. 'వీర" చిత్రాన్ని 'రైడ్‌" ఫేమ్‌ రమేష్‌ వర్మ దర్శకత్వంలో గణేష్‌ ఇందుకూరి నిర్మిస్తున్నారు.