Don't Miss!
- News జనసేనకు మద్దతుగా మెగాస్టార్...పిఠాపురంలో రెండు రోజులు పర్యటన
- Sports CSK vs LSG: అందుకే రచిన్ రవీంద్రను పక్కనపెట్టాం: రుతురాజ్ గైక్వాడ్
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
సన్ టీవీ చేతికి శివకార్తీకేయన్ సినిమా శాటిలైట్ హక్కులు.. హ్యాట్రిక్ దిశగా పోన్రామ్
తమిళనాడుకు చెందిన మీడియా దిగ్గజం సన్ నెట్వర్క్తో సినీ నిర్మాణ సంస్థ 24ఏఎమ్ స్టూడియోస్ భాగస్వామ్య ఒప్పందాన్ని కుదుర్చుకొన్నది.
తమిళనాడుకు చెందిన మీడియా దిగ్గజం సన్ నెట్వర్క్తో సినీ నిర్మాణ సంస్థ 24ఏఎమ్ స్టూడియోస్ భాగస్వామ్య ఒప్పందాన్ని కుదుర్చుకొన్నది. భవిష్యత్ మరిన్ని మంచి చిత్రాలను నిర్మించే లక్ష్యంగా ఈ ఒప్పందం కుదుర్చుకొన్నామని, ఈ భాగస్వామ్య వివరాలను వెల్లడించానికి తాము సంతోషిస్తున్నామని 24ఏఎమ్ సంస్థ ప్రతినిధులు ఓ ప్రకటనలో పేర్కొన్నారు.
చిత్ర నిర్మాణ ప్రక్రియలో భాగంగా 24ఏఎమ్ సంస్థ తన నాలుగో ప్రొడక్షన్ను ప్రారంభించింది. పొన్రాం దర్శకత్వంలో శివకార్తీకేయన్ హీరోగా ఈ సినిమాను రూపొందిస్తున్నారు. ఈ చిత్రంలో సూరి, బాలసుబ్రమణ్యం, యుగభారతి తదితరులు భాగస్వామ్యం కానున్నారు. ఇప్పటికే శివకార్తీకేయన్, పోన్రాం కాంబినేషన్లో వారుత పదాత వాలిబర్ సంగం, రజనీ మురుగన్ చిత్రాలు వచ్చాయి. వరుసగా మూడో సినిమాను విజయవంతం చేసి హ్యాట్రిక్ సాధించేందుకు శివకార్తీకేయన్, పోన్రాం రెడీ అవుతున్నారు.
24ఏఎమ్ సంస్థ గత చిత్రాలను భారీ హంగులతో రూపొందించిన సంగతి తెలిసిందే. గత చిత్రాలకు ఏ మాత్రం తగ్గకుండా గ్రాండ్గా ఈ సినిమాను రూపొందించేందుకు ప్రణాళికను సిద్ధం చేసింది. 24ఏఎమ్ సంస్థ రూపొందించిన వెలైక్కరన్ చిత్రం హక్కులను గతవారం సన్ టీవి దక్కించుకొన్నది. అంతేకాకుండా తాజా చిత్రం ప్రొడక్షన్ నంబర్ 4 చిత్రానికి సంబంధించిన శాటిలైట్ హక్కులను వారంలోపే సన్ టీవీ చేజిక్కించుకోవడం విశేషం.
ఈ చిత్రానికి తమిళ సినీ పరిశ్రమలో ప్రతిభావంతులైన సాంకేతిక నిపుణులు పనిచేస్తున్నారు. ఇండియాలోనే టాప్ ప్రొడక్షన్ డిజైనర్గా పేరున్న ముత్తురాజ్ ఈ సినిమాకు పనిచేస్తుండగా, అనల్ అరసు కోరియోగ్రాఫర్గా వ్యవహరిస్తున్నారు. అలాగే బాహుబలి2 సినిమాకు వీఎఫ్ఎక్స్ పనులకు సూపర్వైజర్గా పనిచేసిన కమలా కన్నన్ పనిచేయడం అదనపు ఆకర్షణగా మారింది.