హోమ్

న్యూస్

ఈ మధ్య కాలంలో పలువురు తెలుగు స్టార్స్ తమకంటూ సొంత సినీ నిర్మాణ సంస్థలు నెలకొల్పేందుకు ఆసక్తి చూపుతున్నారు. ఈ బేనర్లలో ఇతర స్లార్లతో తమకు నచ్చిన సినిమాలు, కొన్ని సార్లు తమ సినిమాలు సైతం చేస్తున్నారు.

ఇప్పటికే రామ్ చరణ్, మహేష్ బాబు, సుధీర్ బాబు ఇలా పలువురు స్టార్స్ సొంతగా సినీ నిర్మాణ సంస్థలు పెట్టుకోగా... తాజాగా ఈ లిస్టులో సందీప్ కిషన్ కూడా చేరారు. 'వెంకటాద్రి టాకీస్' పేరుతో ఓన్ ప్రొడక్షన్ హౌస్ స్థాపించినట్లు తెలుస్తోంది.

తన కెరీర్లో తొలి హిట్ 'వెంకటాద్రి ఎక్స్‌ప్రెస్'.... ఈ సినిమా గుర్తొచ్చేలా 'వెంకటాద్రి టాకీస్' అని పేరు పెట్టినట్లు తెలుస్తోంది. ప్రస్తుతం ఈ బేనర్లో సందీప్ కిషన్ హీరోగా ఓ సినిమా సైతం రూపొందుతోంది. కార్తీక్ సుబ్బరాజు దర్శకుడు.

Tomorrow 5pm #NVNN 1st look ...
Pls use headphones for better experience :)#VenkatadriTalkies pic.twitter.com/fxkXwndgQ1

— Sundeep Kishan (@sundeepkishan) November 22, 2018

ప్రస్తుతం ఈ చిత్రాన్ని #NVNN పేరుతో పిలుస్తున్నారు. శుక్రవారం సాయంత్రం ఈ మూవీకి సంబంధించి ఫస్ట్ లుక్ పోస్టర్‌తో పాటు పూర్తి టైటిల్ రివీల్ కానుంది. మరో వైపు సందీప్ కిషన్ 'నెక్ట్స్ ఏంటి' అనే చిత్రంలోనూ నటిస్తున్న సంగతి తెలిసిందే.