నా సీన్లు కట్ చేశారు, జీడి పప్పులా వాడారు: ‘అరవింద సమేత’పై సునీల్

నన్ను జీడి పప్పులా వాడారు

సునీల్ మాట్లాడుతూ... నేను కూడా ఆడియన్స్‌తో పాటు సినిమా చూశాను. నన్ను చేను ఇలా చూసుకుని చాలా రోజులైంది. కొంత మంది నీ కామెడీ తక్కువైందని చెప్పారు. వారికి ఒకటే చెప్పాను. ఇది బిర్యానీ భయ్యా... అందుకే నన్ను జీడి పప్పులా వేశారని చెప్పాను అని సునీల్ తెలిపారు.

అలా అయితే దరిద్రంగా ఉంటుంది

ఒక వేళ ఈ సినిమా ఫ్రూట్ సలాడ్‌ అయుంటే నన్ను అరటి పండులా వాడేవారు. బిర్యానీలో అరటి పండులా వాడితే చాలా దరిద్రంగా ఉంటుందని కదా అంటూ సునీల్ చమత్కరించారు.

నా ఫ్రెండ్ త్రివిక్రమ్ నా సీన్లు కట్ చేశాడు

నా మీద అభిమానంతో, ఫ్రెండ్షిప్‌తో నా సీన్లు మూడు త్రివిక్రమ్ కట్ చేశాడు కానీ మిగతా అన్ని సీన్లు ఉంచాడు. నాకు చాలా తృప్తిగా ఉంది. ఆడియన్స్ నుండి వస్తున్న రెస్పాన్స్ చూస్తుంటే చాలా ఆనందంగా ఉంది అని సునీల్ అన్నారు.

ఫ్యాక్షన్ సినిమాలో క్లాసిక్ ఇది

మామూలుగా ఫ్యాక్షన్ సినిమా అంటే జనం అందరికీ యాక్షన్ సినిమా. కానీ ఆ యాక్షన్ తో పాటు ఫ్యామిలీ ఎమోషన్స్ చూపించాడు. ఫ్యాక్షన్ సినిమాల్లో ఒక మంచి క్లాసిక్ మూవీ ఇది. ఈ సక్సెస్ ఇచ్చిన అందరికీ పేరు పేరున ధన్యాదములు... అని సునీల్ వ్యాఖ్యానించారు.