‘అరవింద సమేత’ టీజర్లో సునీల్‌ను గమనించారా? మళ్లీ పాత కమెడియన్‌గా...

కీలకమైన పాత్రలో సునీల్

ఒకప్పుడు తెలుగులో స్టార్ కమెడియన్‌గా వెలుగొందిన సునీల్.. ఆ తర్వాత హీరోగా టర్న్ అయిన సంగతి తెలిసిందే. అయితే హీరోగా ఆశించిన స్థాయిలో సక్సెస్ లేక పోవడంతో మళ్లీ ఒకప్పటి సునీల్‌లా ప్రేక్షకులను నవ్వించాలని డిసైడ్ అయ్యాడు. ఈ సినిమా ద్వారా సునీల్ కమెడియన్‌‌‌గా రీ ఎంట్రీ ఇస్తున్నారు.

స్నేహితుడి సినిమా ద్వారా

తన స్నేహితుడు త్రివిక్ర‌మ్ శ్రీనివాస్ రూపొందిస్తున్న సినిమా కావడంతో `అర‌వింద స‌మేత‌` ద్వారా క‌మెడియ‌న్‌గా రీ-ఎంట్రీ ఇవ్వ‌డానికి ఒప్పుకున్నాడట. ఇందులో సునీల్ ఫుల్ లెంగ్త్ రోల్‌లో క‌నిపించ‌నున్నాడ‌ు. ఈ సినిమాలో న‌టించినందుకు దాదాపు రూ. కోటి రెమ్యూనరేషన్ తీసుకుంటున్నట్లు టాక్.

ఇకపై వరుసగా

‘అరవింద సమేత'తో పాటు ర‌వితేజ న‌టిస్తున్న `అమ‌ర్ అక్బ‌ర్ ఆంటోని` సినిమాలో కూడా సునీల్ నవ్వులు పండించబోతున్నాడు. రెండు సినిమాల్లో సునీల్ పాత్ర ద్వారా బాగా నవ్వులు పేలితే అతడి కెరీర్ మరో మలుపు తీసుకోవడం ఖాయం.

అరవింద సమేత

‘అరవింద్ సమేత' చిత్రానని హారికా హాసిని క్రియేషన్స్‌ పతాకంపై రాధాకృష్ణ నిర్మిస్తున్నారు. ఎన్టీఆర్‌కు జోడీగా పూజా హెగ్డే నటిస్తోంది. జగపతిబాబుతో పాటు నాగబాబులు కీలక పాత్రలో కనిపించనున్నారు.