Don't Miss!
- News ఉండి టీడీపీలో వార్ - మారుతున్న లెక్కలు, ఆడియో వైరల్..!!
- Finance Stock Market: ప్లాట్ గా స్టాక్ మార్కెట్లు.. టెక్ మహీంద్రాలో భారీ కుదుపు..!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అంధులతో సునీల్ బర్త్ డే: 2 లక్షల విరాళం
హైదరాబాద్: కమెడియన్ గా సినీ రంగ ప్రవేశం చేసి, మర్యాద రామన్న, పూలరంగడు చిత్రాలతో హీరోగా మంచి గుర్తింపు తెచ్చుకున్న సునీల్ ఈ రోజు(ఫిబ్రవరి 28) తన పుట్టిన రోజు వేడుకలను దేవనార్ బ్లైండ్ స్కూల్ లో జరుపుకున్నారు. అదే విధంగా అంధ విద్యార్థుల సహాయార్థం రూ. 2 లక్షలను విరాళంగా ఇచ్చారు.
ఈ కార్యక్రమంలో సునీల్, నిర్మాత బెల్లంకొండ సురేష్, దర్శకురాలు బి జయ, రాజా రవీందర్, దేవనార్ చైర్మన్ స్వామిగౌడ్, దేవానార్ డైరెక్టర్ శ్రీమతి జ్యోతి పాల్గొన్నారు. సునీల్ తమతో కలిసి పుట్టినరోజు వేడుకలను జరుపుకోవడం, తమ కోసం ఆర్థిక సహాయం చేయడంపై అంధ విద్యార్థులు ఆనందం వ్యక్తం చేసారు.
ఈ సందర్భంగా సునీల్ మాట్లాడుతూ...'శంభో శివ శంభో సినిమా షూటింగ్ అప్పుడు ఇక్కడకు వచ్చాను. మళ్లీ ఇప్పుడు ఇక్కడికి వచ్చినప్పుడు పిల్లలాంతా నన్ను గుర్తు పెట్టుకుని అన్నా నువ్వు శంభో శివ శంభో అప్పుడు వచ్చావు కదా అని పలకరించడం చాలా గొప్పగా అనుభూతిని కలిగించింది. నేను ఇచ్చింది తక్కువే అయినా, నాలా మరికొంత మంది ముందుకు వస్తారనే ఆశతో ఈ సాయం చేస్తున్నాను' అన్నారు.
ఇక పోతే సునీల్ నటిస్తున్న 'మిస్టర్ పెళ్లి కొడుకు సినిమా రేపు(మార్చి 1) విడుదల కాబోతోంది. సునీల్, ఇషాచావ్లా జంటగా మెగా సూపర్గుడ్ ఫిలింస్ ప్రై. లిమిటెడ్ నిర్మిస్తున్న ఈ చిత్రానికి ఎన్.వి.ప్రసాద్, పారస్ జైన్ నిర్మాతలు. ఆర్.బి.చౌదరి సమర్పిస్తున్నారు. సి.దేవీ ప్రసాద్ దర్శకత్వం వహించారు.