హోమ్

న్యూస్

ప్రముఖ దర్శకుడు వంశీ తన సూపర్ హిట్ కామెడీ ఎంటర్టైనర్ 'లేడీస్ టైలర్" ని రీమేక్ చేస్తున్నారంటూ ఇటీవల వార్తలు వెలువడ్డాయి. అప్పటి రాజేంద్ర ప్రసాద్ పాత్రను అల్లరి నరేష్ లేదా సునీల్ చేస్తారని పుకార్లు షికారు చేశాయి. ఈ ఊహాగానాల నేపధ్యంలో డైరెక్టర్ వంశీ క్లారిటీ ఇచ్చారు. 'లేడీస్ టైలర్" సీక్వేన్స్ వర్క్ జరుగుతుంది. ఐతే ఈ సినిమాలో లీడ్ రోల్ ఎవరు చేస్తారన్నది ఇంకా ఖరారు కాలేదు. దీనికి సంబంధించి నరేష్, సునీల్ ల కాల్ షీట్స్ కూడా నాదగ్గర లేవని వంశీ చెప్పారు.

అయితే, లేడీస్ టైలర్ సీక్వేన్స్ గా 'ఫ్యాషన్ డిజైనర్, సన్నాఫ్ లేడీస్ టైలర్" పేరుతో చిత్రం చేయాలనుకుంటున్నట్టు తెలిపారు. వచ్చే ఏడాదిలో పని ప్రారంభం అవుతుందని చెప్పారు. ఒక ప్రధాన నటుడు ఈ చిత్రం చేస్తారని వంశీ వెల్లడించారు. రాబోయే నెలల్లో ఈ ఆసక్తికరమైన ప్రాజెక్ట్ కు సంబంధించి అధికారిక ప్రకటన వచ్చే అవకాశం ఉంది. ఈ ప్రముఖ దర్శకుని ప్రాజెక్ట్ లో ఎవరు చేస్తారన్నది వేచిచూడాల్సిందే..