హోమ్

న్యూస్

పూల రంగడుతో సూపర్ హిట్ ని కైవసం చేసుకున్న సునీల్ మరో చిత్రం మొదలైంది. ఆడుతూ పాడుతూ,బ్లేడు బాబ్డీ వంటి కామెడీ చిత్రాల దర్శకుడు దేవిప్రసాద్ దర్శకత్వంలో రూపొందుతున్న చిత్రం ఈ రోజే(శుక్రవారం)రామానాయుడులో ఓపినైంది. చిరంజీవి ముఖ్య అతిధిగా హాజరైన ఈ పంక్షన్ కి సినీ పరిశ్రమలోని అతిరధులు హాజరయ్య శుభాకాంక్షలు తెలియచేసారు.

ఇషాఛావ్లా హీరోయిన్ గా ఈ చిత్రంలో చేస్తోంది. బాలీవుడ్‌లో మాధవన్, కంగనారనౌత్ జంటగా నటించిన 'తను వెడ్స్ మను' చిత్రం ఆధారంగా ఈ చిత్రం రూపొందుతోంది. మెగా సూపర్‌గుడ్ ఫిలింస్ సంస్థ ఈ చిత్రాన్ని నిర్మించనుంది. ఈ చిత్రానికి 'సీతా వెడ్స్ రాముడు' అనే టైటిల్‌ని పరిశీలిస్తున్నారని సమాచారం. ఇక కమెడియన్ గా పరిశ్రమలోకి ఎంట్రీ ఇచ్చిన సునీల్ ఆ తర్వాత అందాల రాముడు చిత్రం ద్వారా హీరోగా టర్న్ అయి మర్యాద రామన్న చిత్రం ద్వారా హీరోగా నిలదొక్కుకున్నాడు.

తాజాగా విడుదలైన పూలరంగడు మంచి విజయం సాధించడం సునీల్ కు మరింత ఊపునిచ్చింది. పలువురు దర్శకులు, నిర్మాతలు ఆయనతో సినిమా చేయడానికి పోటీ పడుతున్నారు. ఈ సినిమాతో మరో సారి ఘన విజయం సునీల్ సాధిస్తాడని ధట్స్ తెలుగు ఆసిస్తూ శుబాకాంక్షలు తెలియచేస్తోంది.