మళ్ళీ 'ముళ్ళ పూడి వర'తో రాజమౌళి సినిమా?

By Staff

| Published: Tuesday, September 30, 2008, 14:37 [IST]

ఎన్టీఆర్'నా అల్లుడు' సినిమాతో పరిచయమైన ముళ్ళపూడి వరా తర్వాత 'విశాఖ ఎక్సప్రెస్' అనే డిజాస్టర్ సినిమాని అందించిన సంగతి తెలిసిందే. ఈ సినిమాను రాజమౌళి సమర్పించగా..ఐతే దర్శకుడు ఏలేటి చంద్రశేఖర్ స్క్రీన్ ప్లే అందించాడు. హిచ్ కాక్ స్ట్రేంజర్స్ ఎట్ ద ట్రైన్ ఆధారంగా తీసిన ఈ సినిమా మొదటి రోజునుంచే ఫ్లాఫ్ టాక్ తెచ్చుకుని అందరికీ బ్యాడ్ నేమ్ తెచ్చింది. అయితే రాజమౌళి తన స్నేహితుడు వరా కి మరో సారి అవకాశమివ్వటానికి ప్లాన్ చేస్తున్నారు.

ఆయన త్వరలో సునీల్ హీరోగా రూపొందించబోయే చిత్రానికి వర ని కథని తీసుకోనున్నారని సమాచారం. అసలు నా అల్లుడు సినిమాకూడా రాజమౌళి ఆబ్లిగేషన్ మీదే వరాకి వచ్చిందని ఫిల్మ్ నగర్ లో చెప్తూంటారు. అలాగే రాజమౌళి సై సినిమాలోనూ వర చిన్న పాత్రలో కనపడతారు. ఇక ఈ సారన్నా ఈ మిత్ర బంధం ఫలించి హిట్ ఇస్తే ...వర రచయితగానైనా మొదట హిట్ వచ్చినట్లుంటుంది. ఎందుకంటే వర తండ్రిగారు ప్రముఖ రచయిత ముళ్ళపూడి రమణ కాబట్టి ...