సంచలనం.. ఐదు గెటప్పుల్లో మహేష్ విశ్వరూపం.. ప్రతి అరగంటకి మారిపోయేలా!

మునుపెన్నడూ లేనివిధంగా

సూపర్ స్టార్ మహేష్ బాబు పోకిరి, అతిథి చిత్రాల్లో డిఫెరెంట్ గెటప్ లో కనిపించాడు. ఆ తరువాత దాదాపుగా అన్ని చిత్రాల్లో ఒకేలా కనిపించాడు. కానీ మహర్షి చిత్రంలో మహేష్ లుక్ కోసం వంశీ పైడిపల్లి ప్రత్యేక శ్రద్ద పెడుతున్నట్లు తెలుస్తోంది. ఇప్పటికే విడుదలైన ఫస్ట్ లుక్ లో గడ్డం, మీసాలతో మహేష్ అలరిస్తున్నాడు.

మహేష్ విశ్వరూపం

ఈ చిత్రంలో మహేష్ బాబు ఐదు విభిన్న రూపాల్లో నట విశ్వరూపం ప్రదరించబోతున్నాడని సమాచారం. కాలేజీ రోజుల నుంచి మొదలు పెడితే కంపెనీ అధినేతగా ఎదిగేవరకు మహేష్ విభిన్నమైన లుక్స్ లో అమరిస్తాడట. దీనికి సంబంధించిన వార్తలు వైరల్ గా మారాయి.

ప్రతి అరగంటకి

కథలో చోటు చేసుకునే పరిణామాల వలన మహేష్ లుక్ ప్రతి అరగంటకు మారిపోయే విధంగా ఉంటుందట. ఇప్పటికే స్టూడెంట్ గా ఉన్న లుక్ ని ఫస్ట్ లుక్ రూపంలో విడుదల చేశారు. చిత్ర ప్రచార కార్యక్రమాలు ప్రారంభమైనప్పుడు మిగిలిన లుక్స్ కూడా విడుదల చేస్తారట.

సేంద్రియ వ్యవసాయం

ఈ చిత్ర కథ గురించి మరో ఆసక్తికర ప్రచారం జరుగుతోంది. అమెరికా నుంచి పల్లెటూరికి వచ్చి రైతులకు సేంద్రియ వ్యవసాయంలో మెళుకువలు నేర్పించే సన్నివేశాలు ఉంటాయని అంటున్నారు. ఇప్పటికే హైదరాబాద్ నగర శివారులో భారీ విలేజ్ సెట్ నిర్మించిన సంగతి తెలిసిందే.