వాటి వల్లే కేసీఆర్ గెలిచారు.... సూపర్ స్టార్ కృష్ణ సంచలన ప్రకటన!

వాటి వల్లే కేసీఆర్ గెలిచారు

కేసీఆర్ గారు ప్రవేశ పెట్టిన పథకాలన్నీ ప్రజలకు ఎంతో మేలు చేశాయి. అందుకే అన్ని వర్గాల ప్రజలు ఆయనకి ఈ అఖండ విజయాన్ని అందించారు. మళ్లీ రెండోసారి తెలంగాణకి ముఖ్యమంత్రిగా బాధ్యతలు చేపడుతున్న చంద్రశేఖర్ రావు గారికి నా హృదయ పూర్వక అభినందనలు.. అని కృష్ణ పేర్కొన్నారు.

రెండు రోజుల క్రితం అభిమానులతో కృష్ణ ఏమన్నారంటే..?

అసెంబ్లీ ఎన్నికల తర్వాత కొందరు అభిమానులు తనను కలవడానికి రాగా... కృష్ణ వారితో సమావేశం అయ్యారు. ఆ సందర్భంగా తెలంగాణ ఎన్నికల ప్రస్తావన వచ్చినట్లు తెలుస్తోంది. ఈ సందర్భంగా కృష్ణ కారుకే ఓటు వేసినట్లు వెల్లడించారట.

అల్లుడు ఆ పార్టీ అయినా...

కృష్ణ, మహేష్ బాబు తెలంగాణ ఏర్పడిన తర్వాత కేసీఆర్ ప్రభుత్వం రాష్ట్రంలో చేస్తున్న అభివృద్ధి పనులపై పూర్తి సంతృప్తిగా ఉన్నారు. వారి కుటుంబంలో అల్లుడు గల్లా జయదేవ్ తెలుగుదేశం పార్టీల్లో ఉన్నప్పటికీ వీరు మాత్రం టీఆర్ఎస్ ప్రభుత్వానికి మద్దతుగా ఉంటూ వచ్చారు.

సుధీర్ బాబు ట్వీట్

కేసీఆర్, కేటీఆర్‌లను అభినందిస్తూ... సుధీర్ బాబు ట్వీట్. గుడ్ గవర్నెన్స్ వల్లే ప్రజలు పట్టం కట్టారని ఈ సందర్భంగా సుధీర్ బాబు చెప్పుకొచ్చారు.