Don't Miss!
- News కేశినేని నాని Vs చిన్ని వార్ లో షర్మిల కొత్త ట్విస్ట్..!!
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Sports సూపర్మ్యాన్ స్టబ్స్: మెరుపు ఫీల్డింగ్తో ఢిల్లీని గెలిపించాడు! Video
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రానా లుక్ చూసి షాకయ్యా, నేనుకూడా గుర్తుపట్టలేక పోయా: సురేష్ బాబు
ఎన్టీ రామారావు జీవితం ఆధారంగా తెరకెక్కుతున్న ఎన్టీఆర్ బయోపిక్లో నటుడు రానా... ఎన్టీఆర్ అల్లుడు, ఏపీ సీఎం చంద్రబాబు నాయడు పాత్రలో కనిపించబోతున్న సంగతి తెలిసిందే. గతంలో బాహుబలి కోసం భారీగా కండలు పెంచిన రానా... చంద్రబాబు నాయుడు పాత్రలో పర్ఫెక్టుగా సూటవ్వడానికి భారీగా బరువుతగ్గిపోయాడు.
అచ్చం చంద్రబాబును తలపించేలా రానా లుక్ ఒకటి ఇటీల విడుదలవ్వగా అభిమానులంతా షాకయ్యారు. రానా లుక్ ఇంత పర్ఫెక్టుగా సూటవుతుందని ఎవరూ ఊహించలేదు. చాలా మంది ఈ లుక్, అతడి స్టైల్ చూసి ఇది రానా? చంద్రబాబా? అని కొంతసేపు అయోమయానికి గురయ్యారు.
రానా తండ్రి, ప్రముఖ నిర్మాత డి. సురేష్ బాబు కూడా అతడి లుక్ చూసి ఇలాంటి ఆశ్చర్యానికే గురయ్యారు. ''రానా లుక్ చూసి షాకయ్యాను. మా స్టూడియోలో అచ్చం చంద్రబాబు నాయుడిగా స్టిల్ ఇస్తూ నించున్నాడు. నేను గుర్తు పట్టలేకపోయాను. ఎన్టీఆర్ బయోపిక్లో ఈ పాత్ర మరింత ఆసక్తికరంగా ఉండబోతుంది.'' అని సురేష్ బాబు ఇటీవల ఓ ఇంటర్వ్యూలో వెల్లడించారు.
కాగా... ఎన్టీఆర్ బయోపిక్ చిత్రానికి దర్శకత్వం వహిస్తున్న క్రిష్ జాగర్లమూడి సినిమాలోని పాత్రల మేకోవర్ విషయంలో స్పెషల్ కేర్ తీసుకుంటున్నారు. బయోపిక్ చిత్రాలు ప్రేక్షకులకు రీచ్ కావాలంటే అందులోని పాత్రల మేకోవర్ కూడా ఎంతో కీలకం.
ఇటీవల విడుదలైన బాలయ్య లుక్ కూడా అచ్చం ఎన్టీఆర్ను పోలి ఉండటం చూసి అంతా ఆశ్చర్యపోయారు. ఇవే సినిమాపై అంచనాలు పెంచుతున్నాయి. ఎన్టీఆర్ పాత్రతో పాటు ఆయన జీవితంలోని సినీ, రాజకీయ ప్రముఖులు ఈ చిత్రంలో కనిపించబోతున్నారు. అవరసమైన మేరకు ఎన్టీఆర్ కుటుంబ సభ్యుల పాత్రలను కూడా చూపించబోతున్నారు.