‘గ్యాంగ్’తో పవన్ కళ్యాణ్ మూవీని ఢీకొట్టబోతున్న హీరో సూర్య!

పవన్ కళ్యాణ్ మూవీతో సూర్య ఢీ

సంక్రాంతి సందర్భంగా జనవరి 12న ఈ చిత్రాన్ని ప్రపంచ వ్యాప్తంగా విడుదల చేయనున్నారు. అయితే ఈ సినిమా విడుదలకు రెండ్రోల ముందే తెలుగులో పవన్ కళ్యాణ్ నటించిన ‘అజ్ఞాతవాసి' సినిమా విడుదలకు సిద్ధమవుతోంది. ఇద్దరూ పెద్ద స్టార్లే కావడంతో బాక్సాఫీసు వద్ద రసవత్తరమైన పోటీ ఉండనుంది.

బాలీవుడ్ మూవీకి దగ్గరి పోలికలు

అక్షయ్‌ కుమార్‌ అప్పట్లో హిందీలో ‘స్పెషల్‌ 26' అనే చిత్రం చేశారు. ఈ చిత్రానికి ‘గ్యాంగ్' రీమేక్ కాక పోయినా... ఈ సినిమా కాన్సెప్టుతో స్పూర్తి పొంది ‘గ్యాంగ్' చిత్రాన్ని రూపొందించారట. సౌత్ స్టైల్‌లో ఈ చిత్రం ‘స్పెషల్‌ 26'కు భిన్నంగా ఉండబోతోంది.

తెలుగులో యూవీక్రియేషన్స్

ఈ సినిమాను తెలుగులో యూవీ క్రియేషన్స్‌ సంస్థ విడుదల చేస్తోంది. హీరో ప్రభాస్ స్నేహితులు రన్ చేస్తున్న ఈ నిర్మాణ సంస్థ ‘గ్యాంగ్' చిత్రాన్ని గ్రాండ్ గా విడుదల చేసేందుకు ప్లాన్ చేస్తున్నారు.

కీలకమైన పాత్రలో రమ్యకృష్ణ

రమ్యకృష్ణ ‘గ్యాంగ్‌' చిత్రంలో కీలకమైన పాత్ర పోషిస్తున్నారు. ఇటీవల ఈ సినిమా తమిళ టీజర్‌ను విడుదలైంది. ఇందులో రమ్యకృష్ణ సూర్యతో కలిసి లుంగి డ్యాన్స్‌ చేస్తూ చాలా ఉత్సాహంగా కనిపించారు.

సూర్య సినిమాలకు తెలుగులో మంచి మార్కెట్

సూర్య సినిమాలకు తెలుగులో మంచి మార్కెట్ ఉంది. తనకంటూ ఓ అభిమాన వర్గాన్ని సూర్య తెలుగు రాష్ట్రాల్లో ఏర్పరుచుకున్నారు. స్టూడియో గ్రీన్‌ ప్రొడక్షన్స్‌ పతాకంపై కె.ఇ. జ్ఞానవేల్‌ రాజా చిత్రాన్ని నిర్మిస్తున్నారు. అనిరుధ్‌ స్వరాలు సమకూరుస్తున్నారు.