రాజమౌళికి సారీ, సికిందర్ ఆడియో వేడుకలో సూర్య (ఫోటోలు)

సూర్య గురించి నాగార్జున

నాగార్జున మాట్లాడుతూ...''సూర్య మంచి నటుడు మాత్రమే కాదు.. మంచి వ్యక్తి కూడా. చెన్నయ్ లో నేను పాల్గొన్న ఓ కార్యక్రమానికి సూర్య, జ్యోతిక చాలా హెల్ప్ చేశారు. తెలుగులో సూర్యకు మంచి క్రేజ్ ఉంది. ఇక, సమంత గురించి చెప్పాలంటే తను నటిస్తున్న చిత్రాలన్నీ విజయం సాధిస్తున్నాయి.

లింగు స్వామి గురించి నాగ్

నాకు లింగుస్వామి సినిమాలంటే ఇష్టం. తమిళంలో ఆయన దర్శకత్వం వహించిన 'వేట్టయ్' తెలుగు రీమేక్ 'తడాఖాలో నాగచైతన్య నటించాడు. లింగుస్వామి దర్శకత్వంలో నాకో సినిమా చేయలని ఉంది. ఒకవేళ ఆయన నాతో సినిమా చేస్తే 'శివ' చిత్రంలోలా మళ్లీ చైన్ లాగాలని ఉంది'' అన్నారు.

రాజమౌళి మాట్లాడుతూ..

"ఈ చిత్రం స్టిల్స్ చూసి, సూర్యని పొగడాలనిపించింది. ట్రైలర్స్ చూశాక లింగుస్వామిని పొగడాలనిపించింది. అంత బాగున్నాయి. ఈ ఆడియో ఆల్బమ్ లో నాకు 'బ్యాంగ్ బ్యాంగ్..' పాట బాగా నచ్చింది. ఒక కమర్షియల్ హీరో గా చేస్తూ విబిన్నమైన గెటప్స్ చేయడం సూర్య ప్రత్యేకత'' అని చెప్పారు.

లింగు స్వామి మాట్లాడుతూ...

''నా కాలేజ్ డేస్ లో 'శివ' చూశాను. అప్పుడు ఎలా ఉన్నారో నాగార్జున ఇప్పుడూ అలానే ఉన్నారు. సౌత్ లో 100 కోట్లకు రీచ్ అయ్యే సూర్య వంటి హీరోతో సినిమా చేసేటప్పుడు కథ విషయంలో చాలా జాగ్రత్త తీసుకోవాలి. మేం అనుకున్న మూడు కథల్లో 'సికిందర్' ఆయనకు నప్పుతుందని ఈ సినిమా చేశాం. రెండు పాత్రలు చేశారాయన. సూర్య పాత్రలు చాలా స్టయిలిష్ గా ఉంటాయి. సూర్య, సమంతల జోడి చాలా బాగుంటుంది. పాటలు, ఫొటోగ్రఫీ.. ఇలా అన్నీ అద్భుతంగా కుదిరాయి'' అని చెప్పారు.

సికిందర్ విడుదల తేదీ

'సికిందర్' అద్భుతమైన చిత్రమని, కథ చాలా గొప్పగా ఉంటుందని లగడపాటి శిరీషా శ్రీధర్ అన్నారు. ఆగస్ట్ 15న ఈ చిత్రాన్ని విడుదల చేయాలనుకుంటున్నామని తెలిపారు.