Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
ఎంతో ఎత్తుకు ఎదగాల్సిన వాడు.. ఆత్మహత్య పరిష్కారం కాదు.. సుశీల్ మృతిపై సెలెబ్రిటీల రియాక్షన్
కన్నడ పరిశ్రమలో మరో విషాదం జరిగింది. బుల్లితెర యువ తార సుశీల్ గౌడ ఆత్మహత్య చేసుకున్న ఘటన అందరికీ కుదిపేస్తోంది. వెండితెరపై ఎన్నో శిఖరాలు అధిరోహించాలని కలలుగన్న సుశీల్ ఇలా అర్ధాంతరంగా తనువు చాలించడంపై కన్నడ పరిశ్రమ తీవ్ర దిగ్బ్రాంతిని వ్యక్తం చేస్తోంది. అంతపుర సీరియల్లో అందరికీ దగ్గరైన సుశీల్.. సాలాగా చిత్రంతో వెండితెరపైనా విజృంభించేందుకు సిద్దమయ్యాడు. కానీ అంతలోపే తిరిగిరాని లోకాలకు చేరుకున్నాడు.
సుశీల్ ఆత్మహత్య..
కన్నడ బుల్లితెర స్టార్ సుశీల్ మాండ్యలోని తన నివాసంలో ఆత్మహత్యకు పాల్పడ్డాడు.అయితే ఇంత వరకు ఆయన ఆత్మహత్యకు గల కారణాలు బయటకు రాలేదు. ఆయన మరణ వార్తను తెలుసుకున్న తోటీ నటీనటులు సోషల్ మీడియా వేదికగా స్పందించారు.
దునియా విజయ్ స్పందిస్తూ..
సాలాగా చిత్ర దర్శకుడు, హీరో దునియా విజయ్ స్పందిస్తూ.. ‘ఓ మంచి హీరో అయ్యే లక్షణాలన్నీ అతడిలో ఉన్నాయని నేను అతడ్ని చూసిన మొదటి క్షణంలోనే అనుకున్నాను. సినిమా రిలీజ్ కాకముందే మన అందర్నీ వదిలిపెట్టి వెళ్లిపోవడం దురదృష్టకరం. ఏ సమస్యకైనా సరే ఆత్మహత్య అనేది పరిష్కారం కాదు. కరోనా కంటే ఎక్కువగా.. ఇలాంటి విపత్కర పరిస్థితుల్లో జీవితం మీదే ఎక్కువగా భయం, నమ్మకం కోల్పోవడం జరుగుతోంది. మనమంతా ధైర్యంగా నిలబడాలి.. ఇలాంటి వాటిని దాటాల'ని చెప్పుకొచ్చాడు.
అరవింద్ కౌశిక్ స్పందిస్తూ
అంతపుర ధారావాహిక దర్శకుడు అరవింద్ కౌశిక్ స్పందిస్తూ.. ఓ చెడ్డ వార్తను నేను విన్నాను. నేను దర్శకత్వం వహించిన అంతపుర అనే సీరియల్లో హీరోగా నటించిన సుశీల్ ఇకలేడు. ఆత్మకు శాంతి చేకూరాల'ని కోరుకున్నాడు.
Recommended Video
హీరోయిన్ అమిత రంగనాథ్
అంతపుర ధారావాహిక సీరియల్ హీరోయిన్ అమిత రంగనాథ్ స్పందిస్తూ.. ‘నా స్నేహితుల ద్వారా ఈ వార్తను విన్నాను. ఆయన లేరనే వార్తను ఇప్పటికీ నమ్మలేకపోతున్నాను. ఆయన తన శాంతాన్ని ఎప్పుడూ కోల్పోలేదు.. ఎంతో మృధుస్వభావి.. సాఫ్ట్ పర్సన్. ఇంత త్వరగా మనల్ని విడిచి పెట్టి వెళ్లడం ఎంతో బాధాకరం. వినోద రంగంలో ఎంతో సాధించగలిగే ప్రతిభ గలవాడ'ని ఎమోషనల్ అయింది.