బేనజిర్‌ భుట్టోగా సీనియర్ సుందరి?

By Staff

Published: Tuesday, January 27, 2009, 10:25 [IST]

మాజీ విశ్వసుందరి సుస్మితాసేన్‌ పాకిస్తాన్‌ మాజీ ప్రధాన మంత్రి బేనజీర్‌ భుట్టో పాత్రను త్వరలో పోషించనున్నట్లు తెలుస్తోంది. ఆ విషయాన్ని ఆమే స్వయంగా కన్ఫర్మ్ చేసింది. "ఈ వార్తలు నిజమే. బేనజీర్‌ పాత్రను చేయడానికి ఆసక్తిగా ఎదురుచూస్తున్నా. భుట్టోకు చెందిన పాకిస్తాన్‌ పీపుల్స్‌ పార్టీ నుంచి అనుమతి లభించగానే నిర్మాతలు ఈ సినిమాను ప్రారంభిస్తారు'' అని తెలిపింది సుస్మిత. తాత్కాలికంగా ఈ చిత్రానికి 'బేనజీర్‌ భుట్లో: ద మూవీ' అనే టైటిల్‌ పెట్టారు.

ఇక ఇప్పటికే సుస్మిత బేనజీర్‌ జీవితం గురించి అధ్యయనం చేస్తోంది. బెనజీర్ ఆహార్యం, ఆమె నడవడికకు సంబంధించి వీడియోలు తిలకిస్తోంది. అలాగే ఉర్దూ చక్కగా మాట్లాడటం కోసం శిక్షణ కూడా తీసుకుంటోంది. కరాచీకి చెందిని వోక్స్‌ విజన్‌, ఇంగ్లాండులోని లీసెస్టర్‌కు చెందిన సమ్‌ ఫిలిమ్స్‌ సంయుక్తంగా ఈ చిత్రాన్ని నిర్మించేందుకు సన్నాహాలు చేస్తున్నాయి. ఇంగ్లీషు, ఉర్దూ భాషల్లో ఈ చిత్రాన్ని నిర్మించాలనేది వారి ఆలోచన. పాకిస్తాన్‌, అమెరికా, ఇంగ్లాండ్‌, దుబాయ్‌లలో ఈ చిత్రాన్ని నిర్మించనున్నారు.

More from Filmibeat