మహేష్ ని కలవరిస్తున్న కలర్స్ స్వాతి?

By Staff

| Published: Monday, July 21, 2008, 12:03 [IST]

కలర్స్ స్వాతి కి ప్రిన్స్ మహేష్ బాబంటే భలే ప్రేమ. ఎప్పుడూ అతని ఆలోచనలే. అతన్నే పెళ్ళి చేసుకోవాలని జీవితాశయం. అయితే ఈ లోగా మహేష్ కి పెళ్ళయిందనే వార్త విన వచ్చింది. దాంతో దిగాలుపడిన స్వాతి అలాంటి పోలికలు ఉన్న కుర్రాడి కోసం వెతుకుతోంది. ఆగండి ...కంగారుపడి రెస్యూమ్ ఇచ్చేరు...ఈ సన్నివేశం అంతా 'అష్టా చెమ్మా' చిత్రంలోది. అందులో ఆమె పాత్ర అది. 'గ్రహణం' తో జాతీయ అవార్డు సొంతం చేసుకున్న ఇంద్రగంటి మోహన్ కృష్ణ 'మాయాబజారు' తర్వాత ఈ లో బడ్జెట్ చిత్రాన్ని రూపొందించారు.

స్వాతి మినహా అంతా కొత్త వారు కనిపించే ఈ చిత్రం ఓ కొత్త ట్రెండ్ కి నాంది పలుకుతుందని యూనిట్ సభ్యులు నమ్మకంగా ఉన్నారు. ఇక వచ్చే నెలలో రిలీజయ్యే ఈ రొమాంటిక్ కామిడీ మనకు రోజు అనుభవమయ్యే సంఘటనలతో రూపొందంటంతో విభిన్న తరహా అనుభూతిని ప్రేక్షకులకు ఇస్తుందని మంచి హిట్ ని నమోదు చేస్తుందని దర్శక,నిర్మాతలు భావిస్తున్నారు. బెస్టాఫ్ లక్ ...