‘సైరా’ టీంను పరుగులు పెట్టించిన నయనతార... 3 రోజులే!

3 రోజులు మాత్రమే...

ఇతర సినిమాల కమిట్మెంట్స్ ఉండటంతో నయనతార ఈ షెడ్యూల్‌లో సైరా టీంకు మూడు రోజుల డేట్స్ మాత్రమే ఇచ్చిందట. ఈ మూడు రోజుల్లో ఆమెపై చిత్రీకరించాల్సిన సీన్లు పూర్తి చేయడానికి చిత్ర బృందం చాలా కష్టపడాల్సి వచ్చిందని తెలుస్తోంది.

చిరు, నయనపై కీలక సీన్లు

చిరంజీవి, నయనతార కాంబినేషన్లో వచ్చే కొన్ని సన్నివేశాలు ఈ షెడ్యూల్‍‌లో చిత్రీకరించారు. అయితే ఈ సీన్ల ఔట్ పుట్ అద్భుతంగా రావడంతో మూడు రోజులు రెస్ట్ లేకుండా పని చేసిన ‘సైరా' టీం మొత్తాన్ని చిరంజీవి మెచ్చుకున్నారట.

తెలుగులో బిగ్గెస్ట్ ప్రాజెక్ట్

తెలుగులో బాహుబలి తర్వాత ఆ స్థాయిలో తెరకెక్కుతున్న బిగ్గెస్ట్ ప్రాజెక్ట్ ఇదే. బాలీవుడ్ మెగాస్టార్ అమితాబ్ బచ్చన్, విజయ్ సేతుపతి, సుదీప్, జగపతి బాబు, తమన్నా లాంటి స్టార్స్ సైతం ఇందులో నటిస్తున్నారు.

సమ్మర్లో గ్రాండ్ రిలీజ్

కొణిదెల ప్రొడక్షన్స్ బేనర్లో మెగా పవర్ స్టార్ రామ్ చరణ్ ఈ చిత్రాన్ని నిర్మిస్తున్నారు. ఈ చిత్రానికి రూ. 150 కోట్ల నుంచి రూ. 200 కోట్ల వరకు ఖర్చు పెడుతున్నట్లు తెలుస్తోంది. 2019 సమ్మర్లో ఈ మూవీ ప్రేక్షకుల ముందుకు రాబోతోంది.