Don't Miss!
- News గంటా Vs అవంతి, బిగ్ ఫైట్ - గురు శిష్యుల్లో గెలిచేదెవరు..!?
- Finance Insurance Company: ఈ శని, ఆదివారాలు తెరిచి ఉండనున్న బీమా కంపెనీలు..
- Lifestyle సమ్మర్ బ్లాక్ బస్టర్ రిసిపి మ్యాంగో చికెన్ కర్రీ..!ఒక్కసారి రుచి చూస్తే మళ్లీ మళ్లీ తినాలనిపిస్తుంది
- Sports తలతిక్క నిర్ణయాలు: ఆ టీమ్కు అసలు సెన్స్ ఉందా: మాజీ లెజెండ్ ఫైర్
- Automobiles ముంబయి- అహ్మదాబాద్ బుల్లెట్ ట్రైన్ కోసం ‘బాలస్ట్లెస్' ట్రాక్.. దీని ప్రత్యేకతలు తెలుసా.??
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
రాఘవేంద్రరావు చేసిందే చెప్పాను.. అందులో తప్పేమీలేదు.. పనిలేని వాళ్లను పట్టించుకొను.. తాప్సీ
ప్రముఖ దర్శకుడు రాఘవేంద్రరావును తాను అవమానించే విధంగా ప్రవర్తించలేదని బాలీవుడ్ నటి తాప్సీ పన్ను వివరణ ఇచ్చింది.పాటల చిత్రీకరణ సందర్భంగా హీరోయిన్ల బొడ్డుపై పూలు, పండ్లతో కొట్టే రాఘవేంద్రరావు తన నాభీ..
ప్రముఖ దర్శకుడు రాఘవేంద్రరావును తాను అవమానించే విధంగా ప్రవర్తించలేదని బాలీవుడ్ నటి తాప్సీ పన్ను వివరణ ఇచ్చింది. పాటల చిత్రీకరణ సందర్భంగా హీరోయిన్ల బొడ్డుపై పూలు, పండ్లతో కొట్టే రాఘవేంద్రరావు తన నాభీ ప్రాంతంపై కొబ్బరిచిప్పతో కొట్టాడని, అలా కొట్టడం వల్ల ఎలాంటి శృంగారం ఉందో నాకు అర్థం కాలేదని ఆమె ఈస్ట్ ఇండియా కంపెనీ అనే కామెడీ గ్రూప్ నిర్వహించిన చర్చవేదికలో వ్యాఖ్యలు చేసిన సంగతి తెలిసిందే. ఆ వ్యాఖ్యలపై సోషల్ మీడియాలో సినీ అభిమానులు తాప్సీపై ఆగ్రహం వ్యక్తం చేశారు. ఈ నేపథ్యంలో ఆమె స్పందించి వివరణ ఇచ్చింది.
రాఘవేంద్రరావుకు వెన్నుపోటు
తాప్సీ చేసిన కొబ్బరిచిప్ప వ్యాఖ్యలు వెబ్మీడియాలో వైరల్గా మారాయి. ఈ క్రమంలో తనను పరిచయం చేసిన రాఘవేంద్రరావును చులకన చేసి మాట్లాడటం తగదు అని నెటిజన్లు రచ్చరచ్చ చేశారు. అంతేకాకుండా కృతజ్క్షత లేని వ్యక్తి అని, హిపోక్రాట్, వెన్నుపోటు పొడిచింది అంటూ తాప్సీపై విరుచుకుపడ్డారు. సినీ పరిశ్రమలో లెజెండ్ లాంటి రాఘవేంద్రరావుపై అభ్యంతరకరమైన వ్యాఖ్యలు చేయడంపై నిరసన తెలిపారు.
నేనేమీ తప్పు పట్టలేదు..
సోషల్ మీడియాలో దాడి పెరిగిపోతున్న నేపథ్యంలో ఓ జాతీయ ఆంగ్ల వెబ్సైట్తో మాట్లాడుతూ.. నేనేమీ తప్పు మాట్లాడాను. ఆయన స్టయిల్ అది. నేను నిజం చెప్పాను. దానిని మీరు తప్పుగా భావిస్తే అది మీ ప్రాబ్లం అని తాప్సీ పెర్కోన్నది. మీరు నమ్మండి.. నమ్మకపోండి.. నేను చేసిన వ్యాఖ్యలకు ఆయన గానీ, నేను గానీ బాధపడలేదు అని తాప్సీ చెప్పింది.
Recommended Video
రాఘవేంద్రరావు ఫీల్ కాలేదు..
ఈస్ట్ ఇండియా కంపెనీ గ్రూప్ చర్చ సందర్భంగా మాట్లాడిన వీడియోను రాఘవేంద్రరావు గారు ఆయన కుటుంబంతోపాటు చూశారు. నేను కూడా మరోసారి చూశాను. ఆ ఘటన తర్వాత వీడియో గురించి మాట్లాడుకొని మేమంతా నవ్వుకున్నాం అని తాప్సీ మీడియాకు వెల్లడించింది. నేను మాట్లాడిన దానిలో రాఘవేంద్రరావుకు తప్పేమీ అనిపించలేదు. అందుకు వేరెవరో బాధపడితే నా తప్పు కాదు అని తాప్సీ అభిప్రాయపడింది.
కొబ్బరిచిప్పతో కొడుతారని అనుకోలేదు
ఎవరినో కించపరుచడానికి ఆ వ్యాఖ్యలు చేయలేదు. అసలు నా ఉద్దేశం అది కాదు. ఆ పాటలో కొబ్బరి చిప్పతో కొడుతారని నాకు తెలియదు. నేను అందుకు సిద్ధంగా లేను. అలా నా బొడ్డుపై కొబ్బరిచిప్పతో కొట్టడం వల్ల అందులో శృంగారం ఏముందో నాకు అర్థం కాలేదు అని మరోసారి తాప్సీ తన వ్యాఖ్యలను రిపీట్ చేసింది.
ఎవరికో సమాధానం చెప్పుకోవాల్సిన..
బొడ్డుపై కొబ్బరిచిప్పతో కొట్టడం అనే వ్యాఖ్యల్లో ఎలాంటి తప్పులేదని నేను భావిస్తున్నాను. నేను చేసిన వ్యాఖ్యలకు కట్టుబడి ఉంటాను. ఈ వివాదంలో ఏ ఒక్కరి ప్రతిష్ఠకు భంగం కలిగించడం నా ఉద్దేశం కాదు. నేను వాస్తవాలే మాట్లాడానని మరోసారి చెప్తున్నాను. ఎవరో ఒకరిపై బురద చల్లడానికి సిద్ధంగా ఉండే వ్యక్తులు చేసే పనికి సమాధానం చెప్పడానికి నేను సిద్దంగా లేను. అలాంటి పనిలేని వాళ్ల గురించి నేను పట్టించుకోను అని తాప్సీ అన్నారు.