Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
ఆ కారణంగానే తెలుగులో అవకాశాలు కోల్పోయాను.. నేను అలాంటి దానిని కాదు.. తాప్సీ
తెలుగు పరిశ్రమకు దూరమైన సినీ నటి తాప్సీ పన్ను బాలీవుడ్లో ఇప్పుడిప్పుడే గుర్తింపు పొందిన పాత్రల్లో కనిపిస్తున్నది. ఆమె నటించిన బేబీ, పింక్, ఘాజీ చిత్రాలు మంచి పేరు తెచ్చిపెట్టాయి.
తెలుగు పరిశ్రమకు దూరమైన సినీ నటి తాప్సీ పన్ను బాలీవుడ్లో ఇప్పుడిప్పుడే గుర్తింపు పొందిన పాత్రల్లో కనిపిస్తున్నది. ఆమె నటించిన బేబీ, పింక్, ఘాజీ చిత్రాలు మంచి పేరు తెచ్చిపెట్టాయి.
పింక్ చిత్రం తర్వాత ఉద్వేగ భరితమైన, ఇంటెన్సిటీ ఉన్న చిత్రాల్లో నటించకూడదని అనుకొన్నాను. జుడ్వా2 చిత్రంలో నా పాత్ర గ్లామరస్గా ఉంటుంది అని సినీ తార తాప్సీ పన్ను తెలిపింది. నామ్ షబానా పింక్ పూర్తయిన తర్వాత రెండు రోజులకే ప్రారంభమైందని ఆమె తెలిపారు. ఈ రెండు చిత్రాల్లోని పాత్రలు చాలా ఇంటెన్సిటీతో కూడుకొన్నవి.
గ్లామరస్గా.. ఫన్నీగా
అందుకే తదుపరి చిత్రాల్లో ఉల్లాస భరితమైన చిత్రాల్లో నటించాలని, గ్లామరస్ పాత్రల్లో నటించాలని నిర్ణయించుకొన్నాను. ఆప్పుడే జుడ్వా2 ఆఫర్ వచ్చింది అని తాప్సీ వెల్లడించింది. బేబీ నుంచి నామ్ షాబానా వరకు ధరించిన క్యాస్టూమ్స్ కాకుండా ఫ్యాన్సీ దుస్తులు ధరించే అవకాశం వచ్చింది అని పేర్కొన్నది.
నా శరీరం రంగు వల్ల..
నా శరీర రంగు మరీ తెలుపు కావడం వల్ల చాలా అవకాశాలు కోల్పోయాను. నా శరీర ఆకృతి వల్ల తెలుగు, తమిళంలో అమ్మాయి పక్కింటి పాత్రలు దూరమయ్యాయి. తెలుపు రంగం నా దృష్టిలో అన్ని రంగుల కంటే ఎక్కువేమీ కాదు. నేనెప్పుడు నా మఖానికి ఫెయిర్ క్రీమ్ వాడలేదు. ఫెయిర్ క్రీముల ప్రకటనల్లో నటించే అవకాశం వచ్చినా ఒప్పుకోలేదు అని తాప్సీ తెలిపింది.
షాబానా పాత్ర కష్టమైంది
నామ్ షబానా చిత్రంలో షాబానా పాత్రను పోషించడం చాలా కష్టమైంది. నా స్వభావం అలాంటిది కాదు కాబట్టి పాత్రలో లీనం కావడానికి చాలా సమయం పట్టింది అని తాప్సీ వెల్లడించింది. షాబానా చాలా నియంత్రణ కలిగి వ్యక్తి. ఏ విషయమైనా కుండ బద్దలు కొట్టినట్టు మాట్లాడే స్వభావం, దుందుడుకు ఉన్న ప్రవర్తన ఉండే పాత్ర అని చెప్పింది.
ఆత్మరక్షణ కోసం..
మహిళలు లైంగిక దాడులను ఎదుర్కోవడానికి అక్షయ్ కుమార్ తో కలిసి చేసిన సెల్ఫ్ డిఫెన్స్ వీడియో ఎంతో మందిని ఆకట్టుకొంటున్నది. లైంగిక దాడులు, వేధింపుల నుంచి తమను తాము రక్షించడానికి అక్షయ్, తాప్సీ చెప్పిన చిట్కాలు మహిళలకు ఉపయోగకరంగా ఉన్నాయనే అభిప్రాయం వ్యక్తమవుతున్నది.