»   »  ఫ్యాన్స్ కోసం క్లైమాక్స్‌ మార్చాం, అసలు మొదట అనుకున్న క్లైమాక్స్ ఇదీ

ఫ్యాన్స్ కోసం క్లైమాక్స్‌ మార్చాం, అసలు మొదట అనుకున్న క్లైమాక్స్ ఇదీ

Posted By:
Subscribe to Filmibeat Telugu

ముంబై: అభిమానుల ఆనందం కోసం కథకు సంభంం ఉన్నా లేకపోయినా ఫైట్స్, డాన్స్ , కొన్ని పంచ్ డైలాగులు పెట్టడం, క్లైమాక్స్ లు మార్చడం వంటివి మాస్ సినిమాల్లో కామన్. అయితే క్లాస్ సినిమాల్లో కూడా అలాంటివి జరుగుతాయా అంటే సినిమాలను పోషించే అభిమానుల కోసం తప్పవంటున్నారు. అభిమానుల తృప్తే భాక్సాఫీస్ వద్ద డబ్బులు రాల్చే సాధనం మరి. అందుకేనేమో తాజాగా తాప్సీ నటించిన పింక్ చిత్రం క్లైమాక్స్ సైతం ఫ్యాన్స్ కోసం మార్చామని చెప్తున్నారు.

పూర్తి వివరాల్లోకి వెళితే... అమితాబ్ బ‌చ్చ‌న్, తాప్సీ న‌టించిన హీరోయిన్ ఓరియంటెడ్ హిందీ మూవీ పింక్. అత్యాచారానికి గురైన పాత్ర‌లో తాప్సీ న‌టించింది. న్యాయ‌వాది పాత్ర‌ను బిగ్ బి పోషించాడు.. ఈ చిత్రం విడుద‌లై హిట్ టాక్ తో దూసుకుపోతున్న‌ది.. ఇందులోని తాప్సీ న‌ట‌న‌కు సామాన్య ప్రేక్ష‌కుల నుంచే కాకుండా విమ‌ర్శ‌కుల నుంచి ప్ర‌శంస‌లు వెల్లువెత్తుతున్నాయి. ఈ నేపధ్యంలో ఆమె చిత్రం గురించి ఓ ఆశ్చర్యకరమైన విషయం రివీల్ చేసి అందరినీ షాక్ చేసింది. సినిమాలో హైలెట్ గా నిలుస్తున్న క్లైమాక్స్ మొదట స్క్రిప్టులో లేదని, తర్వాత మార్చామని చెప్తోంది.

Taapsee reveals why Pink’s climax was changed!

తమపై మోపబడిన అక్రమ కేసుపై ముగ్గురు యువతులు చేసే న్యాయపోరాటమే 'పింక్‌' చిత్రం. ఇందులో వచ్చే కోర్టు సన్నివేశాలు, డైలాగులు ఆలోచింపజేసే విధంగా ఉన్నాయి. అయితే సినిమా క్లైమాక్స్‌కి వచ్చేసరికి వాస్తవానికి చూస్తే ఆ ముగ్గురు యువతులు కేసులో ఓడిపోతారు. చిత్ర యూనిట్ కూడా దాన్నే క్లైమాక్స్‌గా అనుకుందట. కానీ సాక్ష్యాధారాలతో కాకుండా మానవత్వంతో తీర్పు ఇచ్చే విధంగా క్లైమాక్స్‌ను మార్చారట. కథ మార్చడానికి గల కారణాన్ని తాప్సీ ఇలా చెప్పింది.

తాప్సీ మాట్లాడుతూ....''కథ ప్రకారం సాక్ష్యాధారాలు ఆ ముగ్గురు యువతులకు వ్యతిరేకంగా ఉంటాయి. కాబట్టి ఆ కేసులో వాళ్లు ఓడిపోవాలి. కానీ ప్రేక్షకులు ఆలోచించే విధంగా ఉండేటట్లుగా క్లైమాక్స్‌ను మార్చాం. ప్రజల్లో చైతన్యం తీసుకురావాలన్న ఉద్దేశంతోనే ఈ చిన్న ప్రయత్నం చేశాం. ఈ సినిమా చూసి కొంతమందైనా సరే.. మహిళలు సమస్యల్లో ఉన్నపుడు వాళ్లకు అండగా నిలబడి ఆదుకోవాలనేదే మా ఉద్దేశం'' అంటూ తెప్పుకొచ్చింది.

English summary
Pink is a movie that has been recommended by and for every man and woman. Taapsee Pannu who played one of the victims in the movie, Meenal, gave an exclusive interview to an entertainment website. She revealed that Pink’s climax was changed. Pink's climax was originally different and more realistic! Read to know what it was.
Please Wait while comments are loading...
 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu