రేప్ విక్టిమ్ గా టబు...

By Staff

Published: Wednesday, March 11, 2026, 22:18 [IST]

'నేమ్ సేక్' వంటి ఆర్ట్ తరహా చిత్రాలతో పాపులర్ అయిన టబు ఇప్పుడో కొత్త చిత్రంలో కమిట్ అయినట్లు వార్తలు వినిపిస్తున్నాయి. అందిన సమాచారం ప్రకారం ఆమె ఆ చిత్రంలో రేప్ కి గురై తిరగబడే ఎన్ ఆర్ ఐ మహిళగా కనిపిస్తుందిట. ఆర్ట్ ఫిలింస్ దర్శకుడు ఒకరు ఈ చిత్రానికి దర్శకుడుగా వ్యవహిస్తాడని తెలుస్తోంది. ఈ మెసేజ్ ఓరియెంటెడ్ సినిమాలో కథ పల్లెటూరు అమ్మాయి ఒక అమెరికాలో సెటిలైన ఎన్ ఆర్ ఐ ని చేసుకోవటంతో ప్రారంభమవుతుందిట. అక్కడ ఆమె భర్త తన కొలీగ్ తో అక్రమ సంభంధం పెట్టుకుని ఆమెని నిర్లక్ష్యం చేస్తాడుట.

మరో ప్రక్క దురదృష్టవశాత్తు ఆమె మరిది వరస అయ్యేవాడు రేప్ చేస్తాడుట. అప్పటికి వరుకు అణిగి మణిగి ఉన్నామె అప్పుడు ఆడ పులిలా రెచ్చిపోతుందిట. ఆ సమయంలో ఆమెను ఇండియన్ హ్యూమన్ రైట్స్ కి సంభందించిన వ్యక్తి కలసి సపోర్టుగా నిలుస్తాడుట. తర్వాత ఆమె అతనినే పెళ్ళాడుతుందిట.రియల్ స్టోరీ గా చెప్పుబడుతున్న ఈ సినిమాలో ఆ పాత్రకు మొదట రమ్యకృష్ణ ని అడిగారుట. కానీ ఆమె ఒప్పుకోలేదుట. దాంతో ఆ నిర్మాతలు టబు ని కలిస్తే అరవై లక్షలు పై చిలుకు రెమ్యునేషన్ తో ప్రాజెక్టు ఒప్పుకుందిట. అదీ సంగతి.

More from Filmibeat