జైలర్ గా టబు ?

By Staff

Published: Wednesday, March 11, 2026, 0:51 [IST]

చాందనీబార్, నేమ్ సేక్, చీనీకామ్ వంటి ప్రయోగాత్మక ఆఫ్ బీట్ ఫిల్మ్ చేసిన టబు తన రూటు మార్చి చేసిన చిత్రం పాండురంగడు. సెక్సీగా కనపడుతూ,కవ్విస్తూ...వేశ్యగా పాత్రలో లీనమై చేసిన ఆమెకు ఇప్పుడు మరో ఆఫర్ వచ్చింది. జె.మ్ క్రియోషన్స్ వారు స్టంట్ మాస్టర్ విక్కీ దర్శకత్వంలో చేస్తున్న 'జైలర్' అనే సినిమాలో ఆమె ప్రధానపాత్రలో కనిపించనుంది. 'పాట' చిత్రం ఫేమ్ మధుసూదన్ హీరోగా చేస్తున్న ఈ సినిమా రాజమండ్రిలో షూటింగ్ జరుపుకుంటోందని తెలుస్తోంది.

పాయల్ శెట్టి అనే ముంబాయి అమ్మాయి హీరోయిన్ గా చేస్తున్న ఈ సినిమా ప్రేమ ప్రధానాంశంగా కథ ఉంటుందని అంటున్నారు. 'ప్రేమ ఖైదీ' లో శారద వేసిన ప్రేమికలును కలిపే జైలర్ తరహా పాత్ర ఆమె చేయనుందని అంటున్నారు. బెంగుళూరు బేసెడ్ అయ్యంగార్ బేకరీ ఓనర్ శ్రీనివాస్ అయ్యంగార్ ఈ చిత్రాన్ని నిర్మిస్తున్నారని తెలుస్తోంది. అంటే టబు తెలివిగా తనకు ప్రాధాన్యత ఉంటే హీరోయిన్ రోల్సే కావాలని పట్టు పట్టకుండా ముందకెళ్తోందన్నమాట.

More from Filmibeat