టబుని అతని భార్యే ఒప్పించింది

టబుని ఓ పెక్యులర్ క్యారెక్టర్ అని బాలీవుడ్ లో అంటూంటారు. ఆమె చాందినీ బార్ చిత్రంలో చేసి నేషనల్ అవార్డు పొందినా సరే ఆ తర్వాత ఆ చిత్ర దర్శకుడు మధూర్ బండార్కర్ దర్శకత్వంలో చేయటానికి ఆమె ఇష్టపడలేదు. దానికి కారణం ఆ చిత్రం క్రెడిట్ మొత్తం మధూర్ కొట్టేసాడని ఆమె భాధపడేదని అంటారు. కానీ అది ఆమె ఎప్పుడూ బయిటపడలేదు. అది గమనించిన మధూర్ సైతం ఎప్పూడూ ఆమెకు ఆఫర్ చేయలేదు. కానీ ఇద్దరూ మంచిగా పార్టీల్లో పాల్గొనే వారు..మాట్లాడుకునేవారు కానీ ఆ టాపిక్ వచ్చేది కాదు.

అయితే తాజాగా మధూర్ భార్య రేణు ఇంట్రాక్షన్ తో ఈ వివాదానికి తెరపడినట్లయింది. ఆమె, టబు ముంబయిలో ఓ షాపింగ్ మాల్ లో కలుసుకున్నారు. షాపింగ్ అనంతరం ఇద్దరూ ఆ మాటా ఈ మాటా మాట్లాడుకున్నాక టబుని ఆమె తన ఇంటికి ఆహ్వానించింది. ఇద్దరూ ఆ రాత్రి కలిసి భోజనం చేసే దాకా మాట్లాడుకుంటూనే ఉన్నారు. అలాగే మధూర్ వచ్చేదాకా టబు వెయిట్ చేసింది. లేట్ నైట్ వచ్చిన అతన్ని సున్నితంగా మందలించిన టబు ఆ తర్వాత మనస్సు విప్పి రకరకాల టాపిక్స్ అతనితో చర్చించింది. దాంతో ఇద్దరూ మళ్ళీ చాందినీ బార్ షూటింగ్ రోజులు గుర్తు చేసుకున్నారు. అనంతరం మళ్ళీ కలిసి ఓ ప్రాజెక్టు చేస్తే బాగుంటుందనే నిర్ణయానికి వచ్చారు. అంతగా అవసరమైతే మధూర్ ప్రస్తుతం చేస్తున్న జైలు చిత్రంలో గెస్ట్ గా చేయటానికి సైతం పచ్చ జెండా ఊపింది. ఇక ఇదంతా తన భార్య ఘనతే నని మధూర్ మురిపెంగా చెప్తున్నారు.