బాలీవుడ్ ఆఫర్‌ ను తిరస్కరించిన ముద్దుగుమ్మ తమన్నా

ముంబయ్‌ లో మోడల్ ‌గా కెరీర్‌ ను ప్రారంభించిన ఈ తార తెలుగు చిత్ర సీమలోకి ప్రవేశించకముందే బాలీవుడ్‌ లో 'చాంద్‌ సా రోషన్ చెహరా" అనే సినిమాతో కథానాయికగా ఎంట్రీ ఇచ్చారు. అయితే ఆ సినిమా పరాజయం కావడంతో ఈ తార తెలుగులో 'శ్రీ" చిత్రంతో టాలీవుడ్‌ లోకి ప్రవేశించారు. ఆ తర్వాత 'హ్యాపీడేస్" సాధించిన విజయంతో తెలుగులోనూ, తమిళంలోనూ అగ్రనాయికల్లో ఒకరిగా భాసిల్లుతున్నారు. ప్రస్తుతం క్షణం తీరిక లేకుండా టాలీవుడ్, కోలీవుడ్ ‌లలో సినిమాలు చేస్తున్న తమన్నాకు తాజాగా బాలీవుడ్ నుంచి ఆఫర్లు వస్తున్నాయని తెలిసింది.

ఇటీవల ఓ ఇంగ్లిష్ పత్రిక క్యాలెండర్ కోసం హాట్ హాట్ ‌గా పోజులివ్వడం చూసి బాలీవుడ్ దర్శక, నిర్మాతలు తెగ ఇంప్రెస్ అయ్యారట. తమ చిత్రాల్లో నటించమని ఈ క్యూట్ ‌గాళ్ ‌కు ఆఫర్లు ఇస్తున్నారట. అయితే తమిళ్, తెలుగు సినిమాలతో బిజీగా వున్న తనకు ప్రస్తుతానికి బాలీవుడ్ ‌లోకి వెళ్ళే ఆలోచన లేదని తమన్నా చెబుతున్నారు. అయితే పారితోషికం నచ్చకనే తమన్నా బాలీవుడ్ సినిమాని తిరస్కరించారని కోలీవుడ్ వర్గాలు చెబుతున్నాయి.